Year: 2017

50 மருந்துப் பொருட்களின் விலைகளைக் குறைக்க நடவடிக்கை எடுக்கப்படவுள்ளது. மருந்துப் பொருட்களின் விலை கட்டுப்பாட்டுக் குழுவின் தலைவர் பாலித்த அபேகோன் இதனைத் தெரிவித்துள்ளார். இதுதொடர்பில், மருந்து உற்பத்தி மற்றும் விநியோக நிறுவனங்களுக்கும் அரச மருத்துவ தரப்பினருக்கும் இடையில் கலந்துரையாடப்பட்டுவருவதாக அவர் குறிப்பிட்டுள்ளார். 48 அத்தியவசிய மருந்துப் பொருட்;களின் விலைகள் கடந்த ஒக்டோபர் மாதம் அரசாங்கத்தால் குறைக்கப்பட்டன. இந்த நிலையிலேயே மேலும் சில மருந்துப் பொருட்களின் விலைகள் குறைக்கப்படவுள்ளதாக தெரிவிக்கப்படுகின்றது. இதேவேளை, ஏற்கனவே விலைகள் குறைக்கப்பட்டுள்ள மருந்து பொருட்கள்

நீதிமன்றத்தைப் புறக்கணித்த நிலையில் பிடியாணை பிறப்பிக்கப்பட்டிருந்த 159 பேர் கடந்த சில தினங்களில் கைதுசெய்யப்பட்டுள்ளனர். பாணந்துறை காவல்துறை பிரிவில் மேற்கொள்ளப்பட்ட சுற்றிவளைப்பின் போதே இவர்கள் கைதுசெய்யப்பட்டதாக காவல்துறையினர் தெரிவித்துள்ளனர். பாரிய குற்றங்கள் உள்ளிட்ட பல்வேறு குற்றச்சாட்டுக்களுடன் தொடர்புடைய 54 பேர் இதில் உள்ளடங்குகின்றனர். கைதுசெய்யப்பட்டவர்கள் நீதிமன்றத்தில் முன்னிலைப்படுத்தப்பட உள்ளதாகவும் காவல்துறையினர் தெரிவித்துள்ளனர்.

கடந்த இரண்டு வருடங்களுக்கு முன்னர் விலங்கு உணவுக்காக ஒதுக்கப்பட்ட பாவனைக்கு உதவாத ஒரு தொகை அரிசி கொழும்பு புறக்கோட்டையில் விற்பனைசெய்யப்படுவதாக குற்றம் சுமத்தப்பட்டுள்ளது. நடுத்தர மற்றும் பாரிய அளவிலான அரிசி வியாபாரத்தில் நேற்று இடம்பெற்ற கலந்துரையாடலில், அகில இலங்கை கமத்தொழில் சம்மேளனத்தின் தேசிய அமைப்பாளர் நாமல் கருணாரத்னவினால் இந்த குற்றச்சாட்டு முன்வைக்கப்பட்டுள்ளது. கடந்த 2014ஆம் ஆண்டு இந்தியாவில் இருந்து இறக்குமதி செய்யப்பட்ட ஒரு தொகை அரிசி பாவனைக்கு உதவாத நிலையில் அவை விலங்குணவுக்கு பயன்படுத்த அனுமதி வழங்கப்பட்டது.

  வில்பத்து தேசிய சரணாலயத்தின் எல்லைக்குள் எந்தவொரு சுற்றாடல் அழிவும் இடம்பெறவில்லை என ஜனாதிபதி மைத்திரிபால சிறிசேன தெரிவித்துள்ளார். எனினும், வில்பத்து தேசிய சரணாலயத்தை அண்மித்துள்ள வனப் பகுதிகளில் காடுகள் அழிக்கப்பட்டுள்ளதாகவும், அது குறித்து நடவடிக்கை எடுக்கப்பட்டுள்ளதாகவும் ஜனாதிபதி குறிப்பிட்டுள்ளார். மல்வத்து மற்றும் அஸ்கரிய பீடங்களின் மாநாயக்க தேரர்களிடம் ஆசீர்வாதம் பெற்றதன் பின்னர் ஊடகவியலாளர்களிடம் கருத்து தெரிவிக்கும் போதே அவர் இதனைக் கூறியுள்ளார். வனஜீவராசிகள், சுற்றாடல், வன பாதுகாப்பு மற்றும் வனவள அமைச்சுக்களின் செயலாளர்கள் மற்றும் பணிப்பாளர்களை

குற்றப் புலனாய்வு பிரிவினரால் கைது செய்யப்பட்ட முன்னாள் கடற்றொழில் அமைச்சர் சரத் குமார குணரத்ன எதிர்வரும் 9ஆம் திகதி வரை விளக்கமறியலில் வைக்கப்பட்டுள்ளார். நீர்கொழும்பு கலப்பு அபிவிருத்தி திட்டத்திற்காக ஒதுக்கீடு செய்யப்பட்ட நிதியில் இடம்பெற்றதாக கூறப்படுகின்ற மோசடி சம்பவம் தொடர்பில் முன்னாள் அமைச்சரை கைது செய்யுமாறு பிடியாணை பிறப்பிக்கப்பட்டிருந்தது. இதன்படி, குற்றப் புலனாய்வு பிரிவினரால் முன்னாள் அமைச்சர் சரத் குமார குணரத்ன இன்று காலை கைது செய்யப்பட்டிருந்தமை குறிப்பிடத்தக்கது.