Year: 2017

அமெரிக்காவுடனான உறவு முன்னேற்ற பாதையில் சென்றுக்கொண்டிருப்பதாக இலங்கை தெரிவித்துள்ளது. வோசிங்டனில் நடைபெற்ற நிகழ்வு ஒன்றில் உரையாற்றிய இலங்கையின் தூதுவர் பிரசாத் காரியவசம் இதனை தெரிவித்துள்ளார். இலங்கையின் ஜனாதிபதி மைத்திரிபால சிறிசேனவின் இரண்டாவது பதவியாண்டு நிறைவை முன்னிட்டு இந்த நிகழ்வு ஏற்பாடு செய்யப்பட்டிருந்தது. ஜனாதிபதி மைத்திரிபால சிறிசேன ஆட்சிப்பொறுப்பை ஏற்றப்பின்னர் இலங்கை, சர்வதேச நாடுகள் மற்றும் அமரிக்காவுடன் சிறந்த நல்லுறவை பேணி வருவதாக காரியவசம் குறிப்பிட்டுள்ளார்.

ஹம்பாந்தோட்டை மக்களின் போராட்டத்தை பலமிழக்க செய்ய ராஜபக்ஸர்கள் நடவடிக்கை மேற்கொள்வதாக குற்றம் சுமத்தப்பட்டுள்ளது. ஜே.வி.பியின் நாடாளுமன்ற உறுப்பினர் நலிந்த ஜயதிஸ்ச இந்த குற்றச்சாட்டை முன்வைத்துள்ளார். மாத்தறையில் நேற்று இடம்பெற்ற நிகழ்வொன்றில் வைத்து அவர் இதனை குறிப்பிட்டார். ஹம்பாந்தோட்டை மக்கள் தமது இடத்தை பாதுகாக்க மேற்கொண்ட போராட்டத்தை ராஜபக்ஸர்கள் தமது அரசியல் நோக்கத்திற்காக பயன்படுத்துகின்றனர். இதனை மக்கள் புரிந்துக்கொள்ள வேண்டும் எனவும் நலிந்த ஜயதிஸ்ச குறிப்பிட்டார்.

அரசாங்கம் தெரிவு செய்யப்பட்டவர்களுக்கு மாத்திரம் தண்டனை வழங்குவதாக ஒன்றிணைந்த எதிர்கட்சியின் நாடாளுமன்ற உறுப்பினர் டளஸ் அழகபெரும தெரிவித்துள்ளார். ஹம்பாந்தோடையில் இடம்பெற்ற குழப்பநிலையின் போது கைது செய்யப்பட்டு, தங்கல்ல சிறைச்சாலையில் சிறையில் வைக்கப்பட்டுள்ளவர்களை நேற்று சந்தித்த அவர், ஊடகங்களுக்கு இதனை தெரிவித்தார். இது நல்லாட்சி அராசாங்கம் இல்லை. கொடுங்கோள் ஆட்சியே தற்போது நடைபெறுகின்றது. தற்போதைய ஆட்சியில் தெரிவு செய்யப்பட்டுள்ளவர்கள் மாத்திரமே தண்டிக்கப்படுவதாகவும் டளஸ் அழகபெரும குறிப்பிட்டார்.

இலங்கையில் இடம்பெற்றதாகக் கூறப்படும் யுத்த குற்றம் மற்றும் மனித உரிமை மீறல் தொடர்பான நிலைமாறுகால நீதிப் பொறிமுறையில், சர்வதேச விசாரணையாளர்களை உள்ளடக்குவது குறித்து

இலங்கையில் புதிய அரசியல் சாசனம் அமைப்பதற்கு தொழில்நுட்ப உதவி வழங்கப்படும் என பொதுநலவாய நாடுகள் அமைப்பு தெரிவித்துள்ளது.