Year: 2017

மட்டக்களப்பு  பிரதேசம் நீண்ட வரட்சியின் பின் நேற்றுதிங்கள்கிழமை தொடக்கம்  இன்று  வரை இரண்டு நாட்களும்  இரவு பகலாக இடைவிடாது தொடர்ந்து பெய்துகொண்டு வரும் அடை மழை காரணமாக  இப்பிரதேச மக்கள் அன்றாட தேவைகளை பூர்த்தி செய்ய முடியாத நிலையிலும் தொழிலுக்கு செல்லுகின்றவர்கள் நேரத்திற்கு செல்ல முடியாத நிலையினால் தொடர்ந்து இடைவிடாது பெய்துகொண்டுவருகின்றது. இப்பிரதேசத்திலுள்ள குளங்கள்ஆறுகள் நீர்நிரம்பி வழிந்தோடுவதையும் மற்றும் பல இடங்கள் நீர் நிரம்பி காணப்படுவதையும் காணக்கூடியதாகவுள்ளது.

மன்னார் மடு கல்வி வலயத்திற்குற்பட்ட பெரிய பண்டிவிரிச்சான் ஆரம்பப் பாடசாலையில் புதிதாக அமைக்கப்பட்ட மாதிரி நூலகம் மற்றும் கணினி அறை, சிறுவர் விளையாட்டு பூங்கா என்பன திறந்து வைக்கப்பட்டுள்ளது. தமிழ்த் தேசியக் கூட்டமைப்பின் வன்னி மாவட்ட பாராளுமன்ற உறுப்பினரும் பாராளுமன்ற குழுக்களின் பிரதித்தலைவருமான செல்வம் அடைக்கலநாதன் பிரதம விருந்தினராக கலந்து கொண்டு நேற்று வைபவ ரீதியாக திறந்து வைத்தார். இந்நிகழ்வில் மடு வலயக்கல்வி பணிப்பாளர், பொதுமக்கள் உட்பட பலரும் கலந்து கொண்டனர்.

சுதுமலை வடக்கு மானிப்பாய் பகுதியில் உள்ள வீட்டுக் கிணற்றிலிருந்து முதியவரின் சடலம் நேற்று (23) மீட்கப்பட்டுள்ளதாக, மானிப்பாய் பொலிஸார் தெரிவித்தனர். இவ்வாறு சடலமாக மீட்கப்பட்டவர், அதேயிடத்தை சேர்ந்த சின்னையா மார்கண்டு (வயது 84) என, பொலிஸார் தெரிவித்தனர். அதிகாலை காணாமல் போயிருந்த முதியவரை, அவரது மனைவி தேடியபோது, கிணற்றில் இவரது சடலம் மிதந்தாகவும் இதனை அடுத்து, சடலம் மீட்கப்பட்டதாகவும் பொலிஸாருக்கு அளித்த வாக்குமூலத்தில் அவரது மனைவி தெரிவித்துள்ளார்.