Year: 2017

திம்புல போகஹவத்த பிரதேசத்தைச் சேர்ந்த காணாமல் போயிருந்த சிறுவன் இன்று (12) போவத்தை கைத்தொழிற்சாலைக்கு அருகில் சடலமாக மீட்கப்பட்டுள்ளார். மகாவலி கங்கைக்கு நீர் வடிந்து செல்லும் ஓடை ஓரத்தில் வைத்தே இச்சிறுவன் சடலமாக மீட்கப்பட்டுள்ளார். நேற்று மாலை முதல் இந்த சிறுவன் காணாமல் போயிருந்ததாக தெரிவிக்கப்படுகின்றது. திம்புல பொலிஸார் மேலதிக விசாரணைகளை முன்னெடுத்து வருகின்றனர்.

ராஜகிரிய பகுதியில் இன்று (12) அதிகாலை 1.00 மணியளவில் இடம்பெற்ற வாகன விபத்தில் கொழும்பு ரோயல் கல்லூரி மாணவன் ஒருவர் உயிரிழந்துள்ளதுடன் 7 பேர் காயமடைந்துள்ளதாக ராஜகிரிய பொலிஸார் தெரிவித்துள்ளனர். பாடசாலையில் நடைபெற்ற நிகழ்வொன்றின் பின்னர் ராஜகிரியவிலிருந்து மாதின்னாகொட நோக்கி செல்லும் போதே இந்த விபத்து இடம்பெற்றுள்ளதாக கூறப்படுகின்றது. வைத்தியசாலையில் அனுமதிக்கப்பட்டுள்ளவர்களின் நிலைமை மோசமானதாக காணப்படுவதாக வைத்தியசாலை வட்டாரங்கள் தெரிவித்துள்ளன. குறித்த விபத்திற்கான காரணம் தொடர்பில் ராஜகிரிய பொலிஸார் விசாரணைகளை மேற்கொண்டு வருகின்றனர்.

தனது கணவரை பொல்லால் தாக்கி கொலை செய்ததாக கூறப்படும் பெண் ஒருவர் வென்னப்புவ பகுதியில் வைத்து கைதுசெய்யப்பட்டுள்ளார்.