செய்திகள்

இலங்கையில் பெண்களுக்கு எதிரான குற்றங்கள் கடந்த ஆண்டில் அதிகரித்துள்ளதாக தெரிவிக்கப்பட்டுள்ளது. 2015 ஆம் ஆண்டில் பெண்களுக்கு எதிராக 8 ஆயிரத்து 288 குற்றங்கள் பதிவாகியிருந்த நிலையில், 2016ஆம் ஆண்டில் அந்தக் குற்றங்கள் 9 ஆயிரத்து 42 ஆக அதிகரித்துள்ளது. சட்டம் மற்றும் ஒழுங்கு அமைச்சின் அறிக்கையொன்றில் இந்தத் தகவல் வெளியிடப்பட்டுள்ளது. இதேவேளை, 2015 ஆம் ஆண்டில் 11 லட்சத்து 29 ஆயிரத்து 555 குற்றங்கள் நாட்டில் பதிவாகியுள்ள நிலையில், 2016 …

தாய்லாந்தின் வர்த்தக கண்காட்சியொன்று எதிர்வரும் ஜூலை மாதம் கொழும்பில் நடைபெறவுள்ளது. தாய்லாந்தின் சர்வதேச வர்த்தக ஊக்குவிப்பு திணைக்களத்தால் இந்த வர்த்தக கண்காட்சி ஏற்பாடு செய்யப்பட்டுள்ளது. ஜூலை மாதம் 7 ஆம் திகதி முதல் 9 ஆம் திகதிவரை பண்டாரநாயக்க ஞாபகார்த்த சர்வதேச மாநாட்டு மண்டபத்தில் இந்தக் கண்காட்சி இடம்பெறவுள்ளது. வர்த்தக வாய்ப்புக்களை ஏற்படுத்தும் நோக்கில் இந்தக் கண்காட்சி ஏற்பாடு செய்யப்பட்டுள்ளதாக தெரிவிக்கப்பட்டுள்ளது.

இரணைத்தீவு மக்களுக்கு இரண்டு வாரங்களுக்கு தீர்வு வழங்குவதாக பாதுகாப்பு ராஜாங்க அமைச்சர் ருவாண் விஜயவர்தன தெரிவித்துள்ளார். தங்களது பூர்வீகக் காணிகளை விடுவிக்க வலியுறுத்தி இரணைத்தீவு மக்கள் ஆரம்பித்த போராட்டம் இன்றுடன் 60 நாட்களை எட்டியுள்ளது. இந்த நிலையில் ஆர்ப்பாட்டத்தில் ஈடுபட்டுள்ள மக்களை ராஜாங்க அமைச்சர் சந்தித்தபோது அவர் இந்த கருத்தை வெளியிட்டுள்ளார். இந்த விடயம் குறித்து ஜனாதிபதியுடன் பேச்சுவார்த்தை நடத்தி இரண்டு வாரங்களுள் தீர்வை வழங்குவதாக அவர் தெரிவித்துள்ளார். இந்த …

புதிய அரசியல் யாப்பில் அதிகாரப் பகிர்வு தொடர்பில் இணக்கம் காணப்பட்டுள்ளதாக பிரதமர் ரணில்விக்ரமசிங்க தெரிவித்துள்ளார். அரசியல் யாப்பு வழிநடத்தல் குழுவில் அங்கம் வகிக்கும் பிரதான கட்சிகள் கடந்த வாரம் சந்திப்ப நடத்தி தொடர்ச்சியாக பேச்சுவார்த்தை நடத்தப்படுகிறது. இதில் சிலவிடயங்களில் அனைத்து தரப்பும் இணங்கியுள்ளன. அவற்றில் மாகாண சபை அதி கூடிய அதிகாரங்களை பகிர்வதற்கும், முதலமைச்சருக்கு மேலதிக அதிகாரங்களை பகிர்வதும் உள்ளடங்கும் என்று அவர் குறிப்பிட்டுள்ளார். கொழும்பு, பண்டாரநாயக்க ஞாபகார்த்த சர்வதேச …

ஆட்கடத்தல்களை தடுப்பதற்கான நடவடிக்கை எடுக்கும் நாடுகளின் தரவரிசைப் பட்டியல் படி, இலங்கையை அமெரிக்கா இரண்டாம் அடுக்குக்கு உயர்த்தியுள்ளது. ஆட்கடத்தல்கள் தொடர்பான அமெரிக்க ராஜாங்கத் திணைக்களத்தின் வருடாந்த அறிக்கையில் இந்த விடயம் தெரிவிக்கப்பட்டுள்ளது. ஆட்கடத்தலை தடுப்பதற்கான நடவடிக்கை எடுப்பதில் கடந்த ஆண்டு இலங்கை பின்னிலையில் இருந்த போதும், இந்த ஆண்டு முன்னேற்றம் கண்டுள்ளது. எனினும் இது போதுமானது இல்லை என்றும் ராஜாங்க திணைக்களத்தின் அறிக்கையில் சுட்டிக்காட்டப்பட்டுள்ளது.

மாலபே தனியார் மருத்துவக் கல்லூரி தொடர்பில் கடும் நிலைப்பாடுகளை விடுத்து, விரைவில் ஏற்றுக் கொள்ளக் கூடிய தீர்வுக்கு வருமாறு, இலங்கை நிர்வாக சேவைகள் சங்கம் கோரியுள்ளது. 

சட்டவிரோத கட்டடங்களை அகற்றுவது எந்தவொரு அரசியல் அல்லது வேறு விதமான அழுத்தங்களுக்கும் உட்பட்டு அல்ல என, அமைச்சர் சம்பிக்க ரணவக்க குறிப்பிட்டுள்ளார். 

புதிய அரசியல் யாப்பு திருத்தம் தொடர்பான இடைக்கால அறிக்கை எதிர்வரும் ஓகஸ்ட் மாதத்தில் சமர்ப்பிக்கப்படவிருப்பதாக பிரதமர் ரணில் விக்ரமசிங்க தெரிவித்துள்ளார். கொழும்பு பண்டாரநாயக்க சர்வதேச ஞாபகார்த்த மாநாட்டு மண்டபத்தில் இன்று இடம்பெற்ற அரசியல் யாப்பு திருத்தம் தொடர்பான செயலமர்வில் கலந்து கொண்டு உரையாற்றிய போதே அவர் மேற்கண்டவாறு கருத்து வௌியிட்டுள்ளார். 

இலங்கையில் அண்மையில் பெய்த பெரு மழைக்குப் பின்னரான வறட்சி நிலை காரணமாக பயிர்ச்செய்கையில் ஏற்பட்டுள்ள பாதிப்பு சுமார் 9 இலட்சம் பேரின் உணவுப் பாதுகாப்பை கேள்விக் குறியாக்கியுள்ளதாக ஐ.நா வின் உணவு, விவசாய அமைப்பு தெரிவித்துள்ளது. 

கடந்த 35 வருடகால யுத்தத்தினால் பாதிக்கப்பட்ட வடக்கு – கிழக்கு இளைஞர்களின் தொழில் இல்லா பிரச்சினையை தீர்த்து வைப்பதற்கு தேவையான உதவிகளை தொடர்ந்து ஐரோப்பிய ஒன்றியம் வழங்கும் என இலங்கை மற்றும் மாலைதீவுக்கான ஐரோப்பிய ஒன்றியத்தின் பிரதம நிறைவேற்று அதிகாரி லிபீயூஸ் சொக்குபோவா தெரிவித்தார்.