மலையகத்தில் கடும் மழை

மலையகத்தில் பெய்துவரும் மழை காரணமாக, மஸ்கெலியா மற்றும் காசல்ரீ நீர்த்தேக்கங்களின் நீர்மட்டம் கணிசமாக அதிகரித்துள்ளதாக தெரிவிக்கப்பட்டுள்ளது.

இந்த நீர்த்தேக்கங்கள் வான்பாயும் நிலையில் இருப்பதாக, தேசியநீர் விநியோக மற்றும் வடிகாலமைப்பு சபையின் பொறியியலாளர்கள் எச்சரித்துள்ளனர்.

தற்போது குறித்த நீர்த்தேக்கங்களின் நீர்மட்டம் 14 அடி 2 அங்குலம் மற்றும் 9 அடி 2 அங்குலம் என்ற அளவில் காணப்படுவதாக தெரிவிக்கப்பட்டுள்ளது.

இந்த நீர்த்தேக்கங்களில் இருந்து லக்ஸபான, புதிய லக்ஸபான, பொல்பிட்டிய, கெனியன் மற்றும் விமசுரேந்திர மின்னுற்பத்தி மையங்களுக்கு நீர் விநியோகிக்கப்படுகின்றமை குறிப்பிடத்தக்கது.