Year: 2017

வீரகெடிய – அத்தநயால பிரதேசத்தில் தந்தையின் சிற்றூந்தில் மோதுண்டு சிறிய குழந்தை ஒன்று உயிரிழந்துள்ளது. குறித்த நபரின் 4 வயது மகளே இவ்வாறு உயிரிழந்துள்ளதாக காவற்துறை தெரிவித்துள்ளது. இன்று காலையே இந்த சோக சம்பவம் பதிவாகியுள்ளதுடன், சிற்றூந்தின் சில்லில் சிக்கி சிறுமி உயிரிழந்துள்ளமை குறிப்பிடத்தக்கது.

அரசியல் யாப்பு குறித்த வழிநடத்தற்குழுவின் இடைக்கால அறிக்கை மீதான விவாதம் மேலும் நீடிக்கப்பட்டுள்ளது. இந்த விவாதம் நாடாளுமன்ற அரசியலமைப்பு பேரவையில் நேற்று நான்காவது நாளாகவும் இடம்பெற்றது. இந்த விவாதம் தொடர்ச்சியாக எதிர்வரும் 8ம் திகதியும் நடைபெறும் என்று சபாநாயகர் கருஜெயசூரிய தெரிவித்துள்ளார்.

இந்தியாவின் மூன்று பாதுகாப்பு கப்பல்கள் கொழும்பு துறைமுகத்தில் நங்கூரமிட்டுள்ளன. இந்தியக் கடற்படைக் கப்பல்களான திர் மற்றும் சுஜாதா என்பனவும், இந்திய கடலோர பாதுகாப்பு கப்பலான சாரதியும் நேற்று கொழும்பு துறைமுகத்தை வந்தடைந்தன. நல்லெண்ண மற்றும் பயிற்சிகள் நோக்கில் இந்த கப்பல்கள் அங்கு நங்கூரமிட்டிருப்பதாக, இலங்கை கடற்படையினரின் செய்திக் குறிப்பில் தெரிவிக்கப்பட்டுள்ளது.

கீதா குமாரசிங்கவின் நாடாளுமன்ற பதவி, முன்னாள் அமைச்சர் பியசேனவிற்கு வழங்கப்படவுள்ளது. இரட்டைக் குடியுரிமையைக் கொண்டவர் என்ற அடிப்படையில், கீதாகுமாரசிங்கவினால் நாடாளுமன்ற உறுப்பினராக தொடர முடியாது என்ற மேன்முறையீட்டு நீதிமன்றத்தின் தீர்ப்பை, உயர் நீதிமன்றம் நேற்று உறுதி செய்தது. இந்தத் தீர்ப்பு கிடைக்கப்பெற்றதும், அவரது பதவி வெற்றிடத்துக்கு முன்னாள் அமைச்சர் பியசேனவின் பெயர் பரிந்துரைக்கப்படும் என்று, ஐக்கிய மக்கள் சுதந்திர கூட்டமைப்பின் பொதுசெயலாளர் மகிந்த அமரவீர தெரிவித்துள்ளார். அதேநேரம், கீதாகுமாரசிங்கவிற்கு பதிலாக நியமிக்கப்படவுள்ள புதிய நாடாளுமன்ற உறுப்பினரின் பதவியேற்பானது,

மாத்தறை – ஊரபொக்க தேசிய பாடசாலையின் அதிபரை காவற்துறையினர் கைது செய்தனர். பாடசாலை மாணவர் ஒருவரை கடுமையாக தாக்கியமைக்காக அவர் தைகானார். இந்த முறை சாதாரண தரப் பரீட்சைக்கு தோற்றவுள்ள மாணவர் ஒருவர் மீது அவரால் தாக்குதல் நடத்தப்பட்டுள்ளது. குறித்த மாணவர் தமது தலைமயிரை அதிகமாக வளர்த்திருந்தமைக்காக அதிபரால் தாக்கப்பட்டதுடன், தற்போது அவர் வைத்தியசாலையில் அனுமதிக்கப்பட்டுள்ளார்.