இரத்மலானையிலிருந்து யாழ்ப்பாணம் நோக்கி உள்நாட்டு விமான சேவை நேற்று ஆரம்பமாகியுள்ளதாக இரத்மலானை விமான நிலைய முகாமையாளர் அருண ராஜபக்ஷ தெரிவித்தார். இரத்மனாலை பலாலிக்கிடையிலான விமான நேரம் சுமார் ஒரு மணி நேரம் பத்து நிமிடங்கள் என தெரிவித்ததோடு சேவையை வழங்கும் இரண்டு தனியார் நிறுவனங்களால் விமான சேவை முன்னெடுக்கப்படுவதாகவும் சனி, ஞாயிறு, செவ்வாய் மற்றும் வியாழன் ஆகிய நாட்களில் விமான சேவை இடம் பெற உள்ளதாகவும் தெரிவித்தார். நேற்றைய தினம் இரட்மனாலை யிலிருந்து பலாலிக்கு வருகை தந்த செஸ்னா 208 என்ற முதல் விமானத்தில் 12 பேர் பயணித்ததாகவும் தெரிவித்தார் ஒரு வழி டிக்கெட்டின் விலை ரூ. 22,000 எனவும்அதே சமயம் திரும்பும் பயணம் ரூ. 41,500. ஒரு பயணிக்கு 7 கிலோ பொருட்கள் அனுமதிக்கப்படுதாகவும் தெரிவித்தார்.
பலாலி-இரத்மலானை உள்ளூர் விமான சேவை நேற்று ஆரம்பம்!வாரத்திற்கு நான்கு சேவை,
Posted on July 2, 2023 at 20:18 
