புத்தளம் – மதிரிகம பிரதேசத்தில் கால்வாய் ஒன்றிற்கு அருகில் மீட்கப்பட்ட தலையில்லா சடலத்தின் உடையது என கருதப்படும் தலையொன்று கண்டுபிடிக்கப்பட்டுள்ளது.பிரதேசவாசிகள் வழங்கிய தகவலுக்கு அமைய இந்த தலையில்லா உடலம் நேற்று கண்டுபிடிக்கப்பட்டிருந்தது.
பின்னர் இது தொடர்பில் விசாரணைகளுக்காக காவற்துறை குழுக்கள் சிலவும் காவற்துறை மோப்ப நாய்களும் பயன்படுத்தப்பட்டு விசாரணைகள் மேற்கொள்ளப்பட்டு வந்தன.
அதனடிப்படையில் , தலையில்லா சடலம் கண்டுபிடிக்கப்பட்ட இடத்தில் இருந்து சுமார் 15 மீற்றர் தொலைவில் குறித்த தலை கண்டுபிடிக்கப்பட்டுள்ளது.
அதனை இனங்காண்பதற்காக மரபணு சோதனை மேற்கொள்ளப்படவுள்ளதாக காவற்துறை தெரிவித்துள்ளது.
உயிரிழந்தவரின் அடையாளம் இதுவரை உறுதிப்படுத்தப்படாத நிலையில் , சடலம் பிரேத பரிசோதனைக்காக புத்தளம் ஆரம்ப மருத்துவமனையில் வைக்கப்பட்டுள்ளது.
