கருணாம்மான் எனப்படும் முன்னாள் பிரதியமைச்சர் விநாயகமூர்த்தி முரளிதரன் மற்றும் ஐக்கிய தேசியக் கட்சியின் முன்னாள் பொதுச்செயலாளர் திஸ்ஸ அத்தநாயக்க ஆகியோரைச் சந்திப்பதற்காக கூட்டு எதிர்க்கட்சியின் நாடாளுமன்ற உறுப்பினர்கள் இன்று கொழும்பு மகஸின் சிறைச்சாலைக்குச் சென்றனர்.
கூட்டு எதிர்க்கட்சி நாடாளுமன்ற உறுப்பினர்களான, விமல் வீரவன்ச, உதய கம்மன்பில, சீ.பி.ரத்நாயக்க ஆகிய மூவருமே இன்றையதினம் நண்பகல் கொழும்பு மகஸின் சிறைச்சாலைக்குச் சென்றனர்.
இதன்போது சுமார் ஒன்றரை மணிநேரம் கூட்டு எதிர்க்கட்சி உறுப்பினர்கள் கருணா மற்றும் திஸ்ஸ அத்தநாயக்க ஆகியோருடன் கலந்துரையாடியதாகத் தெரிவிக்கப்படுகிறது.
