புதிய நீர் விநியோக இணைப்புக்கான ஆரம்ப கட்டணத்தை 2,500 ரூபாய் வரை குறைப்பதற்கு அமைச்சரவை அனுமதி வழங்கியுள்ளது.
இதற்கு முன்னர் நீர் இணைப்புக்களை பெற்றுக்கொள்வதற்கான கட்டணமாக 8,000 ரூபாய் அறவிடப்பட்டது.
நேற்று(வியாழக்கிழமை) நடைபெற்ற அமைச்சரவை தீர்மானங்களை அறிவிக்கும் ஊடகவியலாளர் சந்திப்பின்போது அமைச்சரவை இணைப் பேச்சாளர் பந்துல குணவர்தன இதனைத் தெரிவித்துள்ளார்.
நாட்டு மக்களின் குடிநீர் தேவையின் 41 வீதம் குழாய் மூலமாக கிடைக்கும் நீரினால் நிறைவேற்றப்படுகின்றதாகவும் 2.4 மில்லியன் மக்களுக்கு சுத்தமான குடிநீர் வழங்கப்படுகின்றதாகவும் ஒரு வருடத்திற்கு சுமார், ஒரு இலட்சத்து 10 ஆயிரம் வீடுகளுக்கு புதிய நீர் இணைப்புக்கள் வழங்கப்படுவதாகவும் பந்துல குணவர்தன குறிப்பிட்டுள்ளார்.
