ஶ்ரீ லங்கன் விமான சேவையின் முன்னாள் பிரதம நிறைவேற்று அதிகாரி கபில சந்திரசேன மற்றும் அவரது மனைவி பிரியங்கா நியோமாலி விஜேநாயக்க ஆகியோருக்கு எதிராக பிடியாணை ஒன்றை பெற்று கைது செய்யுமாறு சட்டமா அதிபர் குற்றப்புலனாய்வுத் திணைக்களத்திற்கு உத்தரவிட்டுள்ளார்.
ஜனாதிபதி கோட்டாபய ராஜபக்ஷவின் பணிப்புரையின் படி ஶ்ரீ லங்கன் விமான சேவைக்கு விமானங்களை கொள்வனவு செய்வதுடன் தொடர்புடைய பரிவர்த்தனையின் போது இடம்பெற்றதாக கூறப்படும் நிதி மோசடி தொடர்பில் விசாரணைகள் இடம்பெற்று வருகின்றன.
அதன்படி, ஶ்ரீ லங்கன் விமான சேவையின் முன்னாள் பிரதம நிறைவேற்று அதிகாரி கபில சந்திரசேன மற்றும் அவரது மனைவியை கைது செய்யுமாறு சட்டமா அதிபரால் உத்தரவிடப்பட்டுள்ளதாக சட்டமா அதிபரின் ஒருங்கிணைப்பு அதிகாரி அரச சட்டத்தரணி நிஷாரா ஜயரட்ன தெரிவித்துள்ளார்.
