மாகாண சபை முறைமையினை இல்லாதொழிக்கும் நோக்கில் அரசாங்கம் 13வது திருத்தத்தை மீறுகிறது – டலஸ்

11 0

மாகாண சபை முறைமையினை இல்லாதொழிக்கும் நோக்கில் அரசாங்கம் செயற்படுவதாக குற்றஞ்சாட்டிய  பாராளுமன்ற உறுப்பினர் டலஸ் அழகப்பெரும ஐக்கிய தேசிய கட்சி   தொடர்ந்து  அரசியலமைப்பின் 13வது திருத்தத்தை மீறுவதாகவும் தெரிவித்தார்.

ஜனநாயகத்தை பற்றி கருத்துரைக்கும்   அரசாங்கத்திற்கு தேர்தல் உரிமை  மீறப்படுவது தொடர்பில் எவ்வித அக்கறையும் கிடையாது.   இவ்வருடத்தில் மாகாண சபை தேர்தல் இடம்பெறுமா என்பது சந்தேகத்திற்கிடமானது.  இம்மாதத்துடன்  மேல்மாகாண சபையின் பதவி காலமும்  முடிவடைந்து  08 மாகாணங்கள் ஆளுநரது   நிர்வாகத்தின் கீழ்  முழுமையாக உள்ளடங்கப்படும்.

மாகாண சபை முறைமையினை உருவாக்கிய ஐக்கிய தேசிய கட்சியே இன்று  மாகாண சபை முறைமையை  இல்லாதொழிக்கும் நடவடிக்கைகளை மேற்கொள்கின்றது. எல்லை  நிர்ணய அறிக்கை பாராளுமன்றத்தில் தோற்கடிக்கப்பட்டதைத் தொடர்ந்து மாகாண சபை தேர்தலை  விரைவாக   நடத்தும் நோக்கில்  எல்லை நிர்ணய மீளாய்வு   குழு  பிரதமர் ரணில் விக்ரமசிங்க தலைமையில் நியமிக்கப்பட்டது. 

மாகாண சபை தேர்தலை  விரைவுப்படுத்தும் எவ்வித   நடவடிக்கைகளும்  எல்லை நிர்ணய மீளாய்வு குழுவினரால்  இதுரை  மேற்கொள்ளப்படவில்லை. மாறாக காலதாமதப்படுத்தும்  செயற்பாடுகளே இடம் பெறுகின்றன.  

பிரதமரின்  தலைமைத்துவத்தில் இக்குழு  செயற்படுவதால்  அறிக்கை  விரைவாக  கிடைக்கப் பெறும் என்று குறிப்பிட முடியாது.   ஐக்கிய தேசிய கட்சியின்  பலவீனம் தேர்தலுக்கு செல்வதே.  இதன் காரணமாகவே   மாகாண  சபை தேர்தல் பிற்போடப்படுகின்றது.  

அரசாங்கம்  மாகாண சபை தேர்தலை  பிற்போடுவதற்கு  பல காரணிகளை குறிப்பிடலாம். ஆனால் இவ்வருடம்   நிச்சயம் ஜனாதிபதி தேர்தல் இடம் பெற வேண்டும். ஜனாதிபதி தேர்தல் பிற்போடுவதற்கு எவ்வித  காரணிகளும் அரசாங்கத்தின் வசம் கிடையாது.இடம்பெறவுள்ள அனைத்து தேர்தலுகளும்   ஐக்கிய தேசிய கட்சிக்கு  பாரிய  பின்னடைவினை   ஏற்படுத்தும் என்றார்.

Related Post

படைப்புழுவை ஒழிப்பதற்கான அடுத்த கட்ட நடவடிக்கை

Posted by - January 23, 2019 0
நாடு முழுவதும் பயிர்செய்கைகளை அழித்து வரும் சேனா படைப்புழுவினை ஒழிப்பதற்காக பல்வேறு தரப்பினரால் பரிந்துரைக்கப்பட்டுள்ள 15 வகையான பரிந்துரைகளை விவசாய நிலங்களுக்கு பயன்படுத்துவதற்கு திட்டமிட்டுள்ளதாக விவசாயத் திணைக்களம்…

சீதுவையில் தனியார் வங்கியில் கொள்ளை

Posted by - April 18, 2018 0
சீதுவை பிரதேசத்தில் உள்ள தனியார் வங்கி ஒன்றில் இன்று காலை கொள்ளைச் சம்பவம் ஒன்று இடம்பெற்றுள்ளதாக பொலிஸ் ஊடகப் பேச்சாளர் அலுவலகம் கூறியுள்ளது. இன்று காலை 09.05…

சர்வதேச தகவலறியும் மாநாடு ஜனாதிபதி தலைமையில்

Posted by - September 15, 2016 0
சர்வதேச தகவலறியும் தினத்தை முன்னிட்டு எதிர்வரும் 28 மற்றும் 29ஆம் திகதிகளில் கொழும்பில் ஜனாதிபதி மைத்திரிபால சிறிசேன தலைமையில் சர்வதேச மாநாடொன்று நடைபெறவுள்ளது. ஊடகத்துறை அமைச்சு மற்றும்…

இயற்கை அனர்த்த பாதிப்புக்களிலிருந்து மீள உலக வங்கி உதவி

Posted by - September 23, 2017 0
இயற்கை அனர்த்தங்களால் ஏற்படும் பாதிப்புக்களிலிருந்து மீள்வதற்கான உதவிகளை வழங்க உலக வங்கி முன்வந்துள்ளதாக நிதி அமைச்சு தெரிவித்துள்ளது. இந்தியா, பங்களாதேஷ், பூட்டான் மற்றும் இலங்கை ஆகிய நாடுகளை…

வில்ராஜ் மீதான துப்பாக்கி சூடு – கண்டித்து கிரான்குளத்தில் ஆர்ப்பாட்டம்

Posted by - February 26, 2017 0
காணி சீர்திருத்த ஆணைக்குழுவின் மட்டக்களப்பு மாவட்ட பணிப்பாளர் நேசக்குமார் விமல்ராஜின் துப்பாககி சூட்டுச்சம்பவ சூத்திரதாரிகளைக் கைது செய்யுமாறு கோரி இன்று காலை வில்ராஜின் பிறந்த ஊரான கிரான்குளத்தில்…