இந்தியக் கடல் எல்லைக்குள் அத்துமீறி மீன்பிடியில் ஈடுபட்ட குற்றச்சாட்டில் இலங்கை மீனவர்கள் 25 பேர் இந்திய கடற்படையினர் நேற்றுக் கைது செய்யப்பட்டுள்ளனர்.
குறித்த மீனவர்கள் இந்தியாவின் நாகை அருகே கைது செய்யப்பட்டுள்ளதாக இந்தியச் செய்திகள் தெரிவிக்கின்றன.
கைது செய்யப்பட்ட மீனவர்களும், அவர்களின் படகுகளும் காரைக்கால் துறைமுகத்துக்குக் கொண்டு செல்லப்பட்டுள்ளதாகவும், கைது செய்யப்பட்டவர்கள் அந்த நாட்டுப் பொலிஸாரிடம் ஒப்படைக்கப்பட்டுள்ளனர் என்றும் தெரிவிக்கப்பட்டது.
அதேவேளை, இது தொடர்பாக இலங்கை கடற்படைத் தரப்புக்களிடம் தொடர்புகொண்டு கேட்டபோது ஒரு படகும் 5 மீனவர்களும் கைது செய்யப்பட்டுள்ளனர் என்றே இதுவரை உத்தியோகபூர்வமாக அறியக் கிடைத்துள்ளது.
