சட்டவிரோதமான முறையில் வெளிநாட்டு சிகரெட்டுக்களை இலங்கைக்கு கடத்த முற்பட்ட ஒருவரை பண்டாரநாயக்க சர்வதேச விமான நிலையத்தில் வைத்து கைதுசெய்துள்ளதாக சுங்கப் பிரிவு அதிகாரிகள் தெரிவித்துள்ளனர்.
இச் சம்பவத்தில் கைதுசெய்யப்பட்டவர் 40 வயதுடைய களனி பிரதேசத்தைச் சேர்ந்தவர் ஆவார்.
இன்று அதிகாலை 5.00 மணியளவில் துபாயிலிருந்து வந்த ஸ்ரீலங்கன் விமானத்திலேயே இவர் வருகை தந்துள்ளார்.
இந் நிலையில் விமான நிலையத்தில் வைத்து இவரை சோதனையிட்டபோது அவரது பையில் மறைத்து வைக்கப்பட்டிருந்த 142 சிகரெட் பெட்டிகள் சுங்க அதிகாரிகளினால் கைப்பற்றப்பட்டுள்ளது.
இவ்வாறு கைப்பற்றப்பட்ட சிகரெட் பெட்டிகளிலிருந்து 28,400 வெளிநாட்டு சிகரெட்டுக்களை மீட்டதாகவும், அவற்றின் பெறுமதி 15,62,000 ரூபா எனவும் சுங்க அதிகாரிகள் தெரிவித்துள்ளனர்.
சந்தேக நபரிடமிருந்து சிகரெட்களை பறிமுதல் செய்த சுங்க அதிகாரிகள், அவருக்கு 10,000 ரூபாவை செலுத்துமாறும் அபராதம் விதித்தார்.