Breaking News
Home / தமிழ்நாடு / ஆயுதபூஜை இன்று கொண்டாட்டம்: தமிழக அரசியல் கட்சி தலைவர்கள் வாழ்த்து

ஆயுதபூஜை இன்று கொண்டாட்டம்: தமிழக அரசியல் கட்சி தலைவர்கள் வாழ்த்து

ஆயுதபூஜை இன்று (வியாழக்கிழமை) கொண்டாடப்படுவதையொட்டி, தமிழக அரசியல் கட்சி தலைவர்கள் வாழ்த்து தெரிவித்துள்ளனர்.

மத்திய நிதி மற்றும் கப்பல் துறை இணை மந்திரி பொன்.ராதாகிருஷ்ணன் வெளியிட்டுள்ள வாழ்த்து செய்தியில் கூறப்பட்டுள்ளதாவது:-
மனித சமுதாயத்திற்கு அடிப்படை தேவைகளாக இருக்கின்ற வீரம், கல்வி, செல்வம் ஆகிய மூன்றையும் அள்ளி வழங்குகின்ற மாபெரும் சக்திகளான துர்கா, சரஸ்வதி, லட்சுமி ஆகியோருக்கு நமது நன்றியையும், வணக்கத்தையும், வேண்டுதலையும் தெரிவிக்கும் விழாவாக 9 நாட்கள் நவராத்திரி நாட்களாக கொண்டாடப்பட்டு வருகின்றது.
இவ்விழாவை குடும்ப விழாவாக கொண்டாடிவரும் கோடிக்கணக்கான மக்களுக்கு இனிய 10-ம் நாள் விஜயதசமி திருநாளான வெற்றித் திருநாள் நல்வாழ்த்துகளை தெரிவித்துக்கொள்வதில் மகிழ்ச்சியடைகிறேன்.இவ்வாறு அவர் கூறியுள்ளார்.
டி.டி.வி.தினகரன்
அம்மா மக்கள் முன்னேற்றக் கழகத்தின் துணைப் பொதுச்செயலாளர் டி.டி.வி.தினகரன் வெளியிட்டுள்ள வாழ்த்து செய்தியில் கூறப்பட்டுள்ளதாவது:-
சிறப்புமிக்க ஆயுதபூஜை மற்றும் விஜயதசமி திருநாளில் இறைவனின் அருள்பெற்று, அனைவரும் தங்கள் வாழ்வில் வெற்றி மேல் வெற்றி கண்டு, துன்பங்கள் யாவற்றிற்கும் முற்றுப்புள்ளி வைத்து, நல் வெற்றிக்கு தொடக்கமாக இத்திருநாட்கள் அமைந்திடவும், நாட்டிலும் மக்கள் வாழ்விலும் கரைகள், குறைகள் அத்தனையும் அகன்று, நிறைவான வெற்றியை அள்ளித்தரும் நற்காலம் தொடங்கிடும் பொன்நாட்களாக, இனிவரும் நாட்கள் அமைந்திட அம்பிகையை வணங்கி, எல்லா வளங்களையும், நலன்களையும் பெற்று பெரும் மகிழ்ச்சியுடன் மக்கள் அனைவரும் வாழ்ந்திட எனது மனமார்ந்த ஆயுதபூஜை மற்றும் விஜயதசமி நல்வாழ்த்துகளை தெரிவித்துக்கொள்கிறேன்.
இவ்வாறு அவர் கூறியுள்ளார்.
இதேபோல், புதிய நீதிக்கட்சியின் நிறுவனத் தலைவர் ஏ.சி.சண்முகம், பெருந்தலைவர் மக்கள் கட்சி தலைவர் என்.ஆர்.தனபாலன், கொங்குநாடு மக்கள் தேசிய கட்சி பொதுச் செயலாளர் ஈ.ஆர்.ஈஸ்வரன், இந்திய ஜனநாயக கட்சியின் நிறுவனத் தலைவர் பாரிவேந்தர், மக்கள் தேசிய கட்சியின் மாநில தலைவர் சேம.நாராயணன், தமிழ்நாடு முஸ்லிம் லீக் கட்சியின் நிறுவனத் தலைவர் வி.எம்.எஸ்.முஸ்தபா ஆகியோரும் ஆயுதபூஜை வாழ்த்துகளை தெரிவித்துள்ளனர்.

About ஸ்ரீதா

மேலும்

டெங்கு கொசுப்புழு ஆய்வு – 1,921 நிறுவனங்களுக்கு அபராதம்

டெங்கு கொசுப்புழு ஒழிப்பு பணி தீவிரமாக நடக்கிறது. 1,921 இடங்கள் கொசுப்புழு உற்பத்தியாவதற்கு காரணமாக இருந்தது கண்டறியப்பட்டு ரூ.1 லட்சத்து …