வடக்கு மாகாண சபையின் அமைச்சரவை,சட்டவாக்கங்களை உருவாக்குவதற்குரிய கட்டமைப்பில் இல்லாத நிலையில், சபைக்குரிய முழுமையான அமைச்சரவை விபரத்தை, வடக்கு மாகாண ஆளுநருக்கு வழங்குவதற்கு, முதலமைச்சர் தாமதமின்றி நடவடிக்கை எடுக்க வேண்டும் என, நேற்று வடக்கு மாகாண சபையில் தீர்மானம் நிறைவேற்றப்பட்டுள்ளது.
வடக்கு மாகாண சபை அமைச்சர்கள் விடயம் தொடர்பில், நேற்று வடக்கு மாகாண சபையில் நடாத்தப்பட்ட விசேட அமர்வில், குறித்த தீர்மானம் எடுக்கப்பட்டுள்ளது.
வடக்கு மாகாண சபையின் நேற்றைய அமர்வின் போது, வடக்கு முதலமைச்சர் சமூகமளிக்காத நிலையில்,குறித்த தீர்மானத்தின் பிரதி முதலமைச்சருக்கு அனுப்பி வைக்கப்பட்டுள்ளது.
