உள்ளுராட்சி சபைத் தேர்தலில் போட்டியிட்டு வெற்றி பெற்ற சகல உறுப்பினர்களினதும் பதவிக் காலம் இன்று (20) முதல் ஆரம்பிக்கிறது.
பெரும்பான்மைப் பலம் பெற்றுள்ள சபைகளின் கன்னி அமர்வு எதிர்வரும் 10 நாட்களுக்குள்ளும், எந்தவொரு கட்சியும் ஆட்சியமைக்கும் அதிகாரம் பெறாத சபைகளின் கன்னி அமர்வு அச்சபைகளின் ஆளுநர்களினால் தீர்மானிக்கப்படும் எனவும் உள்ளுராட்சி மற்றும் மாகாண சபைகள் அமைச்சு அறிவித்துள்ளது.
இன்று (20) முதல் ஒரு மாத காலத்துக்குள் கன்னி அமர்வுகளை சகல உள்ளுராட்சி சபைகளும் நடாத்த வேண்டும் எனவும் அமைச்சு தெரிவித்துள்ளது.
கடந்த தேர்தலில் 14 மாவட்டங்களில் போட்டியிட்டு வெற்றிபெற்ற உறுப்பினர்களின் பெயர் விபரம் அரச வர்த்தமானியில் வெளியிடப்பட்டுள்ளன.
