Year: 2017

நீதிமன்ற உத்தரவுக்கமைய செயற்படுமாறு பொல்ஹேன்கொட எலன் மெதினியாராம விகாராதிபதி உடுவே தம்மாலோக தேரருக்கு நீதிமன்றம் எச்சரிக்கை விடுத்துள்ளது. கொழும்பு மேலதிக நீதவான் துலானி அமரசிங்க இன்று இந்த எச்சரிக்கையை விடுத்துள்ளார். முன்னாள் அமைச்சர் மிலிந்த மொரகொட மற்றும் சூழலியலாளர்கள் உள்ளிட்ட பிரதேச மக்கள் கொழும்பு நீதவான் நீதிமன்றில் முறையிட்டுள்ளனர். குறித்த விகாரையில் அதிகாலை 5 மணி முதல் 6 மணிவரை ஒலிபெருக்கி பயன்படுத்தப்படுவதால் தாம் அசௌகரியத்துக்கு உள்ளாவதாக அவர்கள் குறிப்பிட்டுள்ளனர். குறித்த வழக்கு இன்று விசாரணைக்கு எடுத்க்கொள்ளப்பட்டது.

காவல்துறை நிதி மோசடி விசாரணைப் பிரிவின் பணிப்பாளர் சிரேஷ்ட காவல்துறை அதிகாரி சீ. அருண பிரேமசாந்த இடமாற்றம் செய்யப்பட்டுள்ளார். மெனராகலை பிரதேச பிரதி காவல்துறை மா அதிபராக பதவி உயர்வு வழங்கப்பட்டு அவர் இடமாற்றம் செய்யப்பட்டுள்ளதாக காவல்துறை தலைமையகம் தெரிவித்துள்ளது. இதற்கமைய கடந்த மாதம் 29ஆம் திகதி மெனராகலை பிரதேச பிரதி காவல்துறை மா அதிபராக அவர் கடமைகளைப் பொறுப்பேற்றுள்ளார். தாக்கல் செய்யப்பட்ட அடிப்படை உரிமை மனுவொன்றின் தீர்ப்புக்கமைய இந்தப் பதவி உயர்வு வழங்கப்பட்டுள்ளதாக காவல்துறை தலைமையகம்

ஹம்பாந்தோட்டை துறைமுகத்தை சீனாவுக்கு வழங்கும் ஒப்பந்தத்தை கைவிடுமாறு ஜனாதிபதியிடம் கோரி இருப்பதாக ஜே வி பி தெரிவித்துள்ளது. இது தொடர்பில் ஜனாதிபதிக்கு கடிதம் ஒன்று அனுப்பி வைக்கப்பட்டுள்ளதாக, அதன் தலைவர் அனுரகுமார திஸாநாயக்க தெரிவித்துள்ளார். அதேநேரம் இந்த திட்டத்துக்கு எதிர்ப்பு தெரிவித்து ஹம்பாந்தொட்டையில் எதிர்வரும் ஏழாம் திகதி வரையில் துக்க தினம் அனுஷ்டிக்கப்படுவதாக, திஸ்ஸமஹாராம – லுனகம்வெஹெர ஒன்றிணைந்த பிக்குகள் ஒழுங்கமைப்பு அறிவித்துள்ளது. அத்துடன் துறைமுகத்துக்கு அருகில் எதிர்வரும் 7ஆம் திகதி சத்தியாகிரக போராட்டம் ஒன்றை நடத்தவிருப்பதாகவும்

சிகரட் விலை கடந்த ஒக்டோபர் மாதம் 7 ரூபாவால் அதிகரிக்கப்பட்டதை தொடர்ந்து சிகரட் பாவனை 40சதவீதம் குறைவடைந்திருப்பதாக சுகாதார அமைச்சர் ராஜித சேனாரத்ன தெரிவித்துள்ளார். வரி அதிகரிப்பின் காரணமாகவே சிகரெட் பாவனை 40 சதவீதமாக குறைவடைந்திருப்பதாக அமைச்சர் சுட்டிக்காட்டியுள்ளார்.

நிர்மாணப் பணிகள் காரணமாக கட்டுநாயக்க வானூர்தி தள சுற்றுப் புறத்தில் சிறப்பு போக்குவரத்து ஒழுங்குகள் நடைமுறைப்படுத்தப்படவுள்ளன. இன்று பிற்பகல் 3 மணி முதல் நாளை முற்பகல் 9 மணிவரை இந்த வீதி ஒழுங்கு நடைமுறைப்படுத்தப்படும். எதிர்வரும் 4 மாதங்களுக்கு இந்த வீதி ஒழுங்கு தொடர்ந்தும் நடைமுறையில் இருக்கும் என காவல்துறையினர் அறிவித்துள்ளனர்.

எல்லை மறுசீரமைப்பு அறிக்கையை விரைவாக வர்த்தமானியின் ஊடாக அறிவிக்குமாறு வலியுறுத்தப்பட்டுள்ளது. சுதந்திரமானதும், நியாயமானதுமான தேர்தல்களுக்கான பிரசார அமைப்பான கஃபே இந்த வலியுறுத்தலை விடுத்துள்ளது. குறித்த அறிக்கையை உருவாக்குவதற்காக நியமிக்கப்பட்ட குழு மிகச்சிறந்த பணியை மேற்கொண்டுள்ளது. இந்த நிலையில் அதனை விரைவாக வர்த்தமானி ஊடாக வெளிப்படுத்த வேண்டும் என்று அந்த அமைப்பின் அறிக்கை ஒன்றில் தெரிவிக்கப்பட்டுள்ளது. எவ்வாறாயினும் குறித்த அறிக்கையில் ஆணைக்குழுவின் பிரதிநிதிகள் சிலர் கைச்சாத்திடாததன் காரணமாக, அதனை அமைச்சர் பைசர் முஸ்தபா நேற்று ஏற்றுக் கொள்ள மறுத்திருந்தமை