Year: 2017

க.பொ.த சாதாரண தர பரீட்சையை நடத்துவதற்கு அனைத்து ஏற்பாடுகளும் மேற்கொள்ளப்பட்டுள்ளதாக பரீட்சைகள் ஆணையாளர் நாயகம் டி.சனத் பூஜித தெரிவித்துள்ளார். சீரற்ற காலநிலையினால் பரீட்சைக்கு எந்தவித தடைகளும் ஏற்படாது என்றும் பரீட்சார்த்திகள் அனைவருக்கும் பரீட்சை அனுமதிப் பத்திரங்கள் தபால் மூலம் அனுப்பி வைக்கப்பட்டுள்ளதாகவும் குறிப்பிட்டார். பரீட்சை அனுமதிப் பத்திரங்கள் சேதமடைந்திருந்தால் புதிய அனுமதி அட்டைகள் வழங்கப்படும் எனவும் நாளை (5) நள்ளிரவு முதல் மீட்டல் வகுப்புக்கள் அனைத்தும் தடை செய்யப்படும் என்றும் அவர் மேலும் சுட்டிக்காட்டினார்.

ஐக்கிய தேசிய கட்சியின் முன்னாள் பொது செயலாளர் திஸ்ஸ அத்தநாயக்கவிற்கு எதிராக தாக்கல் செய்யப்பட்டுள்ள வழக்கு மீதான விசாரணைகள் ஒத்திவைக்கப்பட்டுள்ளன. இதற்கமைய குறித்த வழக்கு மீதான விசாரணைகள் அடுத்த வருடம் பெப்பிரவரி மாதம் 26 ஆம் திகதிக்கு ஒத்திவைக்கப்பட்டுள்ளன. கடந்த ஜனாதிபதி தேர்தலின் போது போலி ஆவணங்களை தயாரித்தார் என தெரிவித்து அவருக்கு எதிராக வழக்கு தாக்கல் செய்யப்பட்டுள்ளமை குறிப்பிடத்தக்கது. குறித்த வழக்குடன் தொடர்புடைய முதலாம் மற்றும் இரண்டாம் சாட்சியாளர்கள் நீதிமன்றிற்கு சமூகமளிக்காமையினால் இந்த வழக்கு ஒத்திவைக்கப்பட்டுள்ளதாக

தெற்காசியாவின் பிரபலமான சுற்றுலா மத்திய நிலையமாக இலங்கையை ஏற்படுத்துவதே எமது எதிர்பார்ப்பு. அதற்கான அடிப்படை தேவைகள் தற்போது பூரணப்படுத்தப்பட்டு வருகின்றன. அத்துடன் பியருக்கான வரி குறைப்பு சுற்றுலா பயணிகளுக்கு பாரிய லாபமாகும். யார் என்ன சொன்னாலும் பியருக்கான வரி குறைப்பை வரவேற்கின்றேன் என சுற்றுலா அபிவிருத்தி மற்றும் கிறிஸ்தவ சமய அலுவல்கள் அமைச்சர் ஜோன் அமரதுங்க தெரிவித்தார். சுற்றுலா அபிவிருத்தி அமைச்சின் அடுத்தவருட வேலைத்திட்டம் தொடர்பாக ஊடகங்களை தெளிவுபடுத்தும் செய்தியாளர் சந்திப்பு இன்று அரசாங்க தகவல் திணைக்களத்தில்

பத்தரமுல்லை செத்சிறிபாய கட்டிடத்தின் 13ஆம் மாடியிலிருந்து நபர் ஒருவர் விழுந்து உயிரிழந்துள்ளார். இந்த சம்பத்தில் உயிரிழந்தவர் 21 வயதான மஹபுர பிரதேசத்தைச் சேர்ந்தவர் எனவும் தனியார் நிறுவனம் ஒன்றில் தொழிநுட்பவியலாளராக கடமையாற்றி வந்தவர் எனவும் தெரிவிக்கப்படுகின்றது. தற்கொலை அல்லது கொலையா என்ற கோணத்தில் பொலிஸார் விசாரணைகளை ஆரம்பித்துள்ளனர்.

புறக்கோட்டை இரண்டாம் குறுக்குத்தெருவில் அமைந்துள்ள ஆபரண விற்பனை நிலையம் ஒன்றில் தீ விபத்து ஏற்பட்டுள்ளது. நேற்று இரவு ஏற்பட்ட குறித்த தீ விபத்தினை தீயணைப்பு படை அதிகாரிகளுடன் சேர்ந்து கட்டுப்பாட்டுக்குள் கொண்டு வந்ததாக பொலிஸார் தெரிவித்துள்ளனர். மின்சார ஒழுக்கு காரணமாகவே குறித்த தீ விபத்து ஏற்பட்டுள்ளதாகவும் பொலிஸார் மேலும் தெரிவித்துள்ளமை குறிப்பிடத்தக்கது.

உள்ளுராட்சி மன்றங்களுக்கான தேர்தல் எதிர்வரும் 2018 ஆம் ஆண்டு பெப்ரவரி  மாதம் 17 ஆம் திகதி அல்லது அதற்க்கு முன்னர் நடத்தப்படும் என தேர்தல்கள் ஆணைக்குழுவின் தலைவர் மஹிந்த தேசப்பிரிய தெரிவித்துள்ளார். இன்று இடம்பெற ஊடகவியலாளர் சந்திப்பின் போதே அவர் இவ்வாறு தெரிவித்தார்.

தலதா மாளிகைக்கு சொந்தமான காணி ஒன்றில் புதையல் தோண்டும் நடவடிக்கையில் ஈடுபட்ட மூவர் கைது செய்யப்பட்டுள்ளனர். தலதா மாளிகைக்கு சொந்தமான கலேவெல வஹகோட்டே பகுதியில் உள்ள காணியொன்றிலேயே பல மாதங்களாக இவ்வாறு புதையல் தோண்டும் நடவடிக்கை மேற்கொள்ளப்பட்டு வந்துள்ளது. தம்புள்ளை, பொலிஸ் விசேட அதிரடிப்படை குழுவொன்றினாரால் இவர்கள் கைதுசெய்யப்பட்டுள்ளனர். கைது செய்யப்பட்டவர்களிடமிருந்து பெக்கோ இயந்திரம், மோட்டார் சைக்கிள், கல்லை துளையிடும் கருவி மற்றும் வெடி மருந்துகள் கைப்பற்றப்பட்டுள்ளமை குறிப்பிடத்தக்கது.