இஸ்ரேல் நாட்டை சேர்ந்தவர் கிரிஸ்டல். 114 வயதான இவர் உலகின் மிக வயதான மனிதர் என்ற கின்னஸ் சாதனை படைத்தவர்.இவர் அண்மையில் காலமானதாக அறிவிக்கப்பட்டுள்ளது.
இவர் கடந்த 1903ஆம் ஆண்டு போலந்தில் உள்ள ஷார்நவ் என்ற நகரில் பிறந்தார்.
யூத மதத்தை சேர்ந்த இவர் தனது வாழ் நாளில் 2 உலகப் போர்களை கண்டவர்.
முதல் உலகப் போரின் போது தனது பெற்றோரை இழந்து அனாதையானார்.
பின்னர் வாழ்க்கையில் கடும் சோதனைகளை சந்தித்தார். இவருக்கு முதல் மனைவி மூலம் குழந்தைகள் பிறந்தனர்.
போலந்தில் ஹாலோ காஸ்ட்டில் ஹிட்லரின் நாஜிப் படைகள் யூதர்களை கொன்று குவித்தனர்.
அதில் அவரது மனைவி மற்றும் குழந்தைகள் கொல்லப்பட்டனர்.
பின்னர் வேறு பெண்ணை திருமணம் செய்து இஸ்ரேல் வந்த அவர் வர்த்தகரானார்.
இவருக்கு 2 குழந்தைகள் பிறந்தனர். அவர்கள் மூலம் பல பேரக் குழந்தைகள் மற்றும் கொள்ளு பேரக் குழந்தைகள் உள்ளனர்.
