அனைத்துப் பல்கலைக்கழக பிக்குமார் ஒன்றியத்தினால் ஏற்பாடு செய்யப்பட்டுள்ள போராட்டத்திற்கு கட்டுப்பாடுகளை விதித்து, நீதிமன்றம் உத்தரவு பிறப்பித்துள்ளது.
இன்று கொழும்பு – கோட்டை பகுதியில் இந்தப் போராட்டம் இடம்பெறவிருந்ததாக கிடைக்கப் பெற்ற தகவலுக்கு அமைய, பொலிஸாரால் கோட்டை நீதவான் நீதிமன்றத்திற்கு இது குறித்து தகவலளிக்கப்பட்டது.
இதற்கமைய, பொதுமக்கள், வாகனங்களுக்கு பாதிப்பு மற்றும் இடைஞ்சல் ஏற்படும் வண்ணம் ஆர்ப்பாட்டப் பேரணிகளை மேற்கொள்ள நீதிமன்றம் தடை விதித்துள்ளது.
மேலும் அரச அலுவலகங்களில் அத்துமீறி நுழைதல் மற்றும் அமைதியை சீர்குலைத்தல் போன்ற செயற்பாடுகளில் ஈடுபடக் கூடாது எனவும் நீதிமன்றம் சுட்டிக்காட்டியுள்ளது.
