தாயகம் நோக்கிய இடர்கால உதவித்திட்டம் – யேர்மனி Help for smile அமைப்பு. இயற்கை பேரிடரினால் பாதிக்கப்பட்ட எம் உறவுகளிற்கு, 22.12.2025 அன்று வவுனியா மாவட்டம் பட்டிக்குடியிருப்பு, மருதோடை, ஊஞ்சல்கட்டி, கோயில்புளியங்குளம் ஆகிய கிராமங்களைச் சேர்ந்த 85 குடும்பங்களுக்கு யேர்மனி வாழ் தாயக மக்களின் பேராதரவோடு Help for Smile அமைப்பினரால் இயற்கைப்பேரிடர் உலருணவுப் பொதிகள் வழங்கப்பட்டது.இவ் உலருணவுப் பொதிகளில் அரிசி, மா, பருப்பு, சோயா, கடலை, சீனி, தேயிலை, சவர்க்காரம் மற்றும் பனடோல் என்பன உள்ளடங்குகின்றன.இப்பேருதவியை வழங்கிய யேர்மன் வாழ் தாயக மக்களுக்கு வவுனியா மாவட்ட மக்கள் தங்கள் மனம்நிறைந்த நன்றியினைத் தெரிவித்துள்ளனர்.
