கடற்றொழில், நீரியல் மற்றும் கடல் வளங்கள் அமைச்சின் பிரதி அமைச்சர் ரத்ன கமகே, பதுளை மாவட்டத்தில் நன்னீர் மீன்பிடித் தொழிலின் மேம்பாட்டை நோக்கமாகக் கொண்டு, மஹியங்கனை மற்றும் சுற்றுவட்டார பகுதிகளுக்கு அண்மையில் விசேட கண்காணிப்பு விஜயத்தை மேற்கொண்டார். இதில் பதுளை மாவட்ட பாராளுமன்ற உறுப்பினர் சுதத் பலகல்லவும் பங்கேற்றார்.
மஹியங்கனை, சொரபோர மற்றும் உல்ஹிட்டிய – ரத்கிந்த நீர்த்தேக்கங்களில் தற்போது உள்ள மீனவர்கள் எதிர்கொள்ளும் பிரச்சினைகள் குறித்து அமைச்சர் நேரடியாக கருத்துக்களைப் பெற்றுக் கொண்டார். மீன்பிடித் தொழிலை மேம்படுத்துவதற்காக நிதி ஒதுக்கப்பட்டுள்ளதாகவும், தடுப்பு வலைகள் (Barricade Nets) போன்ற உபகரணங்கள் மூலம் மீன்கள் வெளியேறுவதைத் தடுக்க நடவடிக்கைகள் எடுக்கப்படும் என்றும் அமைச்சர் தெரிவித்தார்.
இதனுடன், மாதுரு ஓயாவில் ஆதிவாசி சமூகத்தினரின் மீன்பிடித் தொழிலுக்கு தேவையான அடிப்படை வசதிகள் குறித்தும் முக்கிய கலந்துரையாடல் இடம்பெற்றது. ஆதிவாசி தலைவர் வன்னில எத்தோவுடன் சந்தித்து, மீனவர் இறங்குதுறை கட்டிட திட்டத்தை ஆராயும் எண்ணம் அமைச்சரால் தெரிவிக்கப்பட்டது.
இந்த விஜயங்கள் மூலம் பதுளை மாவட்டத்தின் நன்னீர் மீன்பிடித் தொழிலில் நிலவும் சிக்கல்கள் மற்றும் தேவைகள் குறித்து நேரடி புரிதல் ஏற்பட்டதாகவும், அவற்றை சரிசெய்வதற்கான திட்டங்களை விரைவில் அமுல்படுத்த அரசாங்கம் உறுதியுள்ளதாகவும் பிரதி அமைச்சர் தெரிவித்தார்.
