ஜப்பானிய தனியார் நிறுவனமொன்றினால் இன்று ஏவப்பட்ட ரொக்கெட் ஒன்று வெடித்துச் சிதறியது.
டோக்கியோவைத் தளமாக் கொண்ட ஸ்பேஸ் வன் எனும் நிறுவனத்தின் Kairos எனும் ரொக்கெட், வாகாயாமா பிராந்தியத்திலுள்ள அந்நிறுவனத்தின் சொந்த ஏவுதளத்திலிருந்து இன்று காலை ஏவப்பட்டது.
18 மீற்றர் நீளமான இந்த ரொக்கெட்டில் ஜப்பானிய அரசின் சிறிய சோதனை செய்மதியொன்று ஏற்றப்பட்டடிருந்தது.
எனினும் சில விநாடிகளில் இந்த ரொக்கெட் வெடித்துச் சிதறியது.
இச்சோதனை தோல்வி குறித்து ஆராய்ந்து வருவதாக ஸ்பேஸ் வன் நிறுவனம் தெரிவித்துள்ளது.
