பிரபல வர்த்தகரும் நாடாளுமன்ற உறுப்பினருமான தம்மிக்க பெரேரா, ஶ்ரீலங்கா பொதுஜன பெரமுனவின் ஜனாதிபதி வேட்பாளராக களமிறங்குவதாக பரவிவரும் செய்தியில் உண்மையில்லை என அந்த கட்சி அறிவித்துள்ளது.
எதிர்வரும் ஜனாதிபதி தேர்தலில் மொட்டு கட்சியின் ஜனாதிபதி வேட்பாளராக தம்மிக்க பெரேரா போட்டியிடுவார் என ஊடகங்களில் செய்தி வெளியிடப்பட்டிருந்தது.
எனினும், இந்த செய்திகளை ஶ்ரீலங்கா பொதுஜன முன்னணி நிராகரித்துள்ளது.ஜனாதிபதி வேட்பாளராக யாரை களமிறக்குவது என்பது குறித்து இதுவரையில் கட்சி தீர்மானிக்கவில்லை என சுட்டிக்காட்டப்பட்டுள்ளது.
இவ்வாறான தீர்மானம் எடுக்கப்படுவதற்கு கட்சியின் நிறைவேற்றுக் குழு கூட வேண்டும் எனவும் அண்மையில் நிறைவேற்றுக் குழு கூடவில்லை எனவும் ஶ்ரீலங்கா பொதுஜன பெரமுனவின் தகவல்கள் தெரிவிக்கின்றன.
