வாக்குப்பதிவின் போது, அரசியல் கட்சிகள், குழுக்கள் அல்லது வேட்பாளர்களை ஊக்குவிக்கும் அல்லது பிற கட்சிகள், குழுக்கள் அல்லது வேட்பாளர்களுக்கு பாரபட்சம் ஏற்படுத்தும் நடவடிக்கைகளுக்கு பொதுச் சொத்துகளைப் பயன்படுத்துவதைத் தவிர்க்க வேண்டும் என்று தேர்தல் ஆணையம் தெரிவித்துள்ளது.
தேர்தல் ஆணையம் வெளியிட்டுள்ள அறிக்கையில், வாக்குப்பதிவு நடைபெறும் மாவட்டங்களில் உள்ள அரச அதிகாரிகளின் ஆட்சேர்ப்பு, பதவி உயர்வு, இடமாற்றம் ஆகியவற்றை கட்டுப்படுத்துவதில் அமைச்சக செயலாளர்கள், திணைக்களத் தலைவர்கள் உள்ளிட்ட அனைத்து அதிகாரிகளும் கவனம் செலுத்த வேண்டும்.
இதன்படி, அவ்வாறான குற்றச் செயல்கள் மேற்கொள்ளப்பட்டு நீதிமன்றில் குற்றம் நிரூபிக்கப்பட்டால் 3 வருட சிறைத்தண்டனையும் 100,000 ரூபா அபராதமும் விதிக்கப்படும் என தேர்தல்கள் ஆணைக்குழு தெரிவித்துள்ளது.
