உடவளவ நீர்த்தேக்கத்தின் அனைத்து வான் கதவுகளும் திறப்பு

உடவளவ  நீர்த்தேக்கத்தின் அனைத்து வான் கதவுகளும் இன்று (05.12.2019)  ஒரு அடி வரை திறக்கப்பட்டுள்ளது.

இதனால், உடவளவ ஆற்றினை அண்டிய தாழ்நில பிரதேசங்களில் வசிக்கும் குடியிருப்பாளர்கள் அவதானமாக இருக்குமாறு கேட்டுக்கொள்ளப்பட்டுள்ளார்கள்.

உடவளவ  நீர்த்தேக்கத்தின்  நீர் கசிவு இன்று அதிகாலை 5 மணிக்கு 217,000 ஏக்கர் அடியை எட்டியமையால் அனைத்து வான்கதவுகளும் திறக்கப்பட்டன.

அதன்படி, தற்போது 11,500 கன அடி நீர் வளவை ஆற்றில்  விடப்பட்டுள்ளது.

இந்நிலையில், ஆற்றின் நீர் நிரம்பி வழிகின்றமையால் வெள்ளப்பெருக்கு ஏற்படக்கூடிய சாத்தியக்கூறுகள் இருப்பதாக  தெரிவிக்கப்படுகின்றமை குறிப்பிடத்தக்கது.