மேல் மாகாண சபை அமர்வின் போது 6 இலட்சத்து 44 ஆயிரம் ரூபாய் பெறுமதியான கதிரைகள் கொள்வனவு குறித்து, ஸ்ரீ லங்கா பொதுஜன பெரமுன உறுப்பினர்கள் கேள்வியெழுப்பினர்.
இதற்கு பதிலளித்த மேல் மாகாண முதலமைச்சர் இசுரு தேவப்பிரிய, குறித்த கதிரைகள் கொள்வனவு தொடர்பில் தனக்கு எதுவும் தெரியாதெனப் பதிலளித்தார்.
இதன்போது, ஸ்ரீ லங்கா பொதுஜன பெரமுன உறுப்பினரான மஹேஷ் அல்மேதா, இதற்கு தனது எதிர்ப்பினை தெரிவித்திருந்தார்.
இதேவேளை, மாகாணசபை உறுப்பினர்களான பிரசன்ன சஞ்ஜீவ, மொஹமட் பாஹீஸ் ஆகியோர் சபையின் மத்தியில் வந்து தமது எதிர்ப்பை வெளியிட்டதுடன், மேல் மாகாண சபை ஆளுநர் ஹேமகுமார மீது நம்பிக்கையில்லா பிரேரணையை கொண்டுவரப் போவதாகவும் தெரிவித்திருந்தனர்.
இதனால் சபையில் ஏற்பட்ட தீவிர நிலையின் காரணமாக, சபை இரண்டு தடவைகள் ஒத்தி வைக்கப்பட்டது.
