இந்த ஆண்டின் கடந்த 07 மாத காலப்பகுதியில் 294, 611 வாகனங்கள் பதிவு செய்யப்பட்டுள்ளதாக மோட்டார் வாகன போக்குவரத்து திணைக்களம் கூறுகிறது.
அவற்றில் அதிகமானவை மோட்டார் சைக்கிள் என்பதுடன் அவற்றின் எண்ணிக்கை 208,750 என்று தெரிவிக்கப்பட்டுள்ளது.
அதேநேரம் அந்தக் காலப்பகுதியில் 49,430 கார்கள் பதிவு செய்யப்பட்டுள்ளதுடன், அவற்றுள் 1000 சிசி இற்கு குறைவான கார்களே அதிகம் பதிவு செய்யப்பட்டுள்ளன.
அதன்படி 1000 சிசி இற்கு குறைவான கார்கள் 41,506 கார்கள் பதிவு செய்யப்பட்டுள்ளன.
அத்துடன், அந்தக் காலப்பகுதியில் 11,150 முச்சக்கர வண்டிகள் பதிவு செய்யப்பட்டுள்ளதாகவும் மோட்டார் வாகன போக்குவரத்து ஆணையாளர் நாயகம் ஜகத் சந்திரசிறி கூறியுள்ளார்.
