யாழ்ப்பாணம் செம்மணிப் பகுதியில் கடந்த வெள்ளிக்கிழமை தென்பட்ட மனித எலும்புக்கூடு காணப்படும் இடத்தில் அகழ்வுப் பணிகள் இன்று தொடங்கும் என்று தெரிகிறது.
செம்மணி வீதியில் நீர்த்தாங்கி அமைக்கும் பணிக்காக நிலம் தோண்டப்பட்டபோது மண்டை ஓடு, மற்றும் எழும்பு எச்சங்கள் இனங்காணப்பட்டன. சம்பவம் கடந்த வெள்ளிக்கிழமை இடம்பெற்றது. இதையடுத்து அந்த இடத்தில் மட்டும் கட்டுமானப் பணி நிறுத்தப்பட்டது.
யாழ். நீதிவான் மன்ற நீதிவான் எஸ்.சதீஸ்கரன் சம்பவஇடத்திற்குச் சென்று நிலமையை நேரில் ஆராய்ந்தார். சட்ட வைத்திய அதிகாரியைக் கொண்டு சோதனைகளை நடத்துமாறு பணித்தார்.
சட்ட மருத்துவக் குழு கடந்த ஞாயிற்றுக் கிழமை சம்பவ இடத்திற்கு வருகை தந்தது. எனினும் பொலிஸ் உயர் அதிகாரி வருகை தராத காரணத்தால் அன்றைய தினம் அகழ்வுப் பணி நடக்கவில்லை. இன்று செவ்வாய்க் கிழமை இன்றைய தினம் தொடங்கும் என்று தெரிவிக்கப்படுகிறது.
