`மின் இணைப்புக்கு ரூ.5,000 லஞ்சம்!’ – காட்டுமன்னார் கோவில் அருகே மின்வாரிய ஊழியர் கைது

அதனை தொடர்ந்து இன்று லால்பேட்டை மின்சாரத்துறை அலுவலகத்தில் கடலூர் லஞ்ச ஒழிப்புப் போலீஸார், காலை முதலே மாற்று உடையில் வாடிக்கையாளர் போல உள்ளே நுழைந்து கண்காணிப்பில் ஈடுபட்டு வந்தனர். இந்நிலையில் மதியம் 12 மணியளவில் ரசாயன பவுடர் தடவிய 5,000 ரூபாயை இளஞ்செழியனிடம் கொடுத்து உள்ளே அனுப்பினர். அந்தப் பணத்தை அவர் வணிக உதவியாளர் தமிழினியனிடம் கொடுத்தார். அப்பொழுது லஞ்ச ஒழிப்புத் துறை கடலூர் டி.எஸ்.பி மெர்லின் ராஜாசிங், இன்ஸ்பெக்டர் சதீஷ் மற்றும் போலீஸார் தமிழினியனைக் கையும் களவுமாகப் பிடித்து, கைது செய்தனர். இச் சம்பவம் மின்சார வாரிய ஊழியர்களிடையே கலக்கத்தை ஏற்படுத்தி உள்ளது.