மாணவர்களின் வேலைவாய்ப்புக்கான திறன் மேம்பாட்டு கருத்தரங்கு கவர்னர் தொடங்கி வைத்தார்

3 0

தமிழகத்தில் உள்ள மாணவர்களுக்கு வேலைவாய்ப்புக்கான திறன் மேம்பாட்டை அதிகரிக்க சென்னை அண்ணா பல்கலைக்கழகத்தில் கருத்தரங்கு நடைபெற்றது. கவர்னரின் கூடுதல் தலைமை செயலாளர் ஆர்.ராஜகோபால் வரவேற்றார். கருத்தரங்கை கவர்னர் பன்வாரிலால் புரோகித் குத்துவிளக்கு ஏற்றி தொடங்கி வைத்து பேசியதாவது:-

தமிழகத்தில் உள்ள பல்கலைக்கழகம், கல்லூரிகளில் இருந்து ஆண்டுக்கு 8 லட்சத்து 86 ஆயிரம் பேர் படிப்பை முடித்து வெளியே வருகின்றனர். எனவே மாணவ-மாணவிகள் திறன் மேம்பட கற்றுக்கொடுங்கள். அவர்களுக்கு வேலைவாய்ப்பு கிடைக்க தொழில் நிறுவனங்களுக்கு தேவையான திறமைகளை கற்பியுங்கள்.

துணைவேந்தர்களை தேர்ந்து எடுப்பதில் வெளிப்படைத்தன்மை, நேர்மை ஆகியவற்றை கடைபிடிக்கிறோம். விண்ணப்பிப்பவர்களில் திறமையானவர்களை தேர்ந்து எடுக்கிறோம்.

பல்கலைக்கழகத்தின் உயரிய பொறுப்புகளில் உள்ளவர்கள் நல்ல நடத்தைகளையும், போதனைகளையும் இளைய தலைமுறையினரிடம் விதைக்க வேண்டும். சமூகத்தின் வளர்ச்சி மற்றும் வாழ்க்கையின் இலக்கை அடைய மாணவ சமுதாயத்துக்கு பேராசிரியர்கள் முதல் துணைவேந்தர்கள் வரை ஒளியாக இருந்து வெளிச்சம் காட்ட வேண்டும். என்ன கற்கிறோமோ அதுவே நமக்கு பின்னாளில் உதவும்.

இவ்வாறு கவர்னர் பேசினார்.

உயர் கல்வித்துறை அமைச்சர் கே.பி.அன்பழகன் பேசுகையில், தரமான திறன் மேம்பாட்டு பயிற்சியுடன் உயர் கல்வியை வழங்குவதே இந்த அரசின் நோக்கம். உலக அளவில் இந்தியாவில் தான் 18 வயது முதல் 25 வயது வரை உள்ள இளைஞர்கள் அதிகம் இருக்கிறார்கள். வளர்ந்த நாடுகளில் தொழிலாளர்கள் 60 சதவீதம் முதல் 90 சதவீதம் வரை முழுத்திறன் பெற்றவர்களாக விளங்குகிறார்கள். ஆனால் இந்தியாவில் 20 முதல் 24 சதவீதம் தான் உள்ளனர். எனவே நமது இளைஞர்களுக்கு கல்வியுடன் தொழில் திறன் பயிற்சியும் அளிப்பது அவசியம் என்றார்.

மேலும் அகில இந்திய தொழில் நுட்ப கல்வி குழும தலைவர் அனில் சகாசரபுத்தே, அண்ணா பல்கலைக்கழக துணைவேந்தர் எம்.கே.சுரப்பா உள்பட பலர் பேசினர். கருத்தரங்கில் துணைவேந்தர்கள் எஸ்.கீதாலட்சுமி, பி.துரைசாமி, எஸ்.தங்கசாமி, பாஸ்கரன், உயர் கல்வித்துறை முதன்மை செயலாளர் சுனில் பாலிவால், தமிழ்நாடு தொழில்நுட்ப கல்வி ஆணையர் விவேகானந்தன், சென்னை ஐ.ஐ.டி. இயக்குனர் பாஸ்கர் ராமமூர்த்தி, அண்ணா பல்கலைக்கழக பதிவாளர் எஸ்.கணேசன் உள்ளிட்ட பலர் கலந்து கொண்டனர்.

Related Post

கவர்னரை வழி மறித்த அ.தி.மு.க. எம்.எல்.ஏ.க்கள்

Posted by - August 24, 2016 0
புதுச்சேரி சட்டசபையை 20 நாட்களுக்கு நடத்த வேண்டும் என்று கவர்னர் கிரண்பேடியிடம் அ.தி.மு.க. எம்.எல்.ஏ.க்கள் கோரிக்கை மனு அளித்தனர்.

நாடாளுமன்ற தேர்தலுடன் தமிழக சட்டசபைக்கும் தேர்தல் வரும் துரைமுருகன் பேட்டி

Posted by - October 8, 2018 0
கவர்னர் பேச்சால் ஏதோ ஒன்று நடக்க போகிறது என்றும், நாடாளுமன்ற தேர்தலுடன், தமிழக சட்டசபைக்கும் தேர்தல் வரும் என்றும் துரைமுருகன் கூறினார்.

மோடியின் ஆட்சியில் தமிழகத்தில் 5 லட்சம் தொழிலாளர்கள் வேலைவாய்ப்பை இழந்துள்ளனர் – ப.சிதம்பரம்

Posted by - June 10, 2018 0
மோடியின் 4 ஆண்டுகால ஆட்சியில் தமிழகத்தில் 5 லட்சம் தொழிலாளர்கள் வேலைவாய்ப்பை இழந்துள்ளனர் என்று முன்னாள் மத்திய மந்திரி ப.சிதம்பரம் கூறியுள்ளார்.

பிளஸ்-2 மாணவர்களுக்கு கோடைகால சிறப்பு வகுப்புகள் நடத்தினால் கடும் நடவடிக்கை

Posted by - April 27, 2017 0
எஸ்.எஸ்.எல்.சி. மற்றும் பிளஸ்-2 மாணவர்களுக்கு கோடை கால சிறப்பு வகுப்புகள் நடத்தினால் பள்ளிகள் மீது கடும் நடவடிக்கை எடுக்கப்படும் என்று அரசு எச்சரிக்கை விடுத்துள்ளது.

ஜெயலலிதாவுக்கு அதிக இனிப்பு உணவுகளை வழங்கியது ஏன்?

Posted by - May 28, 2018 0
சர்க்கரை நோயால் பாதிக்கப்பட்டிருந்த ஜெயலலிதாவுக்கு அதிக இனிப்பு உணவுகளை வழங்கியது ஏன்? என்பது குறித்து அப்பல்லோ மருத்துவர்களிடம் விசாரணை நடத்த ஆணையம் முடிவு செய்துள்ளது.

Leave a comment

Your email address will not be published.