யாழில் ஒருவர் அடித்துக் கொலை குடும்ப தகராறே காரணம்

யாழ்ப்பாணம் – அளவெட்டிப் பகுதியில் இரு குடும்பத்தினருக்கு ஏற்பட்ட முரண்பாடு கைகலப்பாக மாறியதால் குடும்பஸ்தர் ஒருவர் உயிரிழந்துள்ளார்.
இச் சம்பவம் வலி.வடக்கில் இருந்து இடம்பெயர்ந்தவர்கள் வாழும் கோணப்புலம் முகாமில் இடம்பெற்ற இச் சம்பவத்தில் அளவெட்டிப் பகுதியினைச் சேர்ந்த தேசராசா உதயகுமார் (வயது 36) என்பவரே உயிரிழந்துள்ளார்.
இச் சம்பவம் தொடர்பாக மேலும் தெரியவருவது:- இச் சம்பவத்தில் உயிரிழந்தவருக்கும் அவருடைய உறவினருக்கும் இடையில் மிக நீண்ட காலமாக குடும்ப ரீதியில் தகராறு இருந்துவந்துள்ளது.
இந்நிலையில் நேற்று இரவு இரு தரப்பினர்களும் கோணப்புலம் முகாமில் வைத்து சந்தித்த வேளை இருவருக்கும் இடையில் மோதல் ஏற்பட்டுள்ளது.
இதன் போது ஒரு குடும்பத்தைச் சேர்தவர்கள் இணைந்து மற்றவரை தாக்கியுள்ளனர். இதனால் அவர் தலையில் படுகாயமடைந்த நிலையில் அங்கேயே உயிரிளந்துள்ளார்.
சடலம் பிரேத பரிசோதணைக்காக யாழ்.போதனா வைத்திய சாலையில் வைக்கப்பட்டுள்ளது. மேலதிக விசாரணைகளை தெல்லிப்பளை பொலிஸார் மேற்கொண்டு வருகின்றனர்.