உள்ளுராட்சிமன்றத் தேர்தலுக்கான வேட்புமனு தாக்கல் திங்கட்கிழமை (17) ஆரம்பமாகி நாளை வியாழக்கிழமை வரை இடம்பெறவுள்ளது. இந்நிலையில் திங்களன்று 6 அரசியல் கட்சிகளும், 11 சுயாதீன குழுக்களும் வேட்புமனு தாக்கல் செய்துள்ளதாக தேர்தல்கள் ஆணைக்குழு தெரிவித்துள்ளது.
கம்பஹா, களுத்துறை, கிளிநொச்சி, குருணாகல், பதுளை மற்றும் இரத்திரனபுரி மாவட்டங்களில் 6 அரசியல் கட்சிகள் வேட்புமனுக்களை தாக்கல் செய்துள்ளதாக தெரிவிக்கப்பட்டுள்ளது.
அதேபோன்று கொழும்பில் 3 சுயாதீன குழுக்களும், களுத்துறை, கண்டி, காலி, யாழ்ப்பாணம், அம்பாறை, புத்தளம், பதுளை மற்றும் இரத்தினபுரி ஆகிய மாவட்டங்களில் தலா ஒவ்வொரு சுயாதீன குழுக்களும் வேட்புமனு தாக்கல் செய்துள்ளதாக தேர்தல் ஆணைக்குழு மேலும் தெரிவித்துள்ளது.
