ஹெரோயின் மற்றும் ஹேஷ் போதைப்பொருட்கள் உள்ளிட்ட பல்வேறு பொருட்களுடன் பஸ்ஸில் பயணித்த நபரொருவர் நேற்று ஞாயிற்றுக்கிழமை (16) கைது செய்யப்பட்டுள்ளார்.
மகும்புரவில் இருந்து காலி நோக்கி பயணித்த பஸ் ஒன்றை பொலிஸார் சோதனையிட்ட போதே சந்தேக நபர் கைது செய்யப்பட்டதாக பொலிஸார் தெரிவித்துள்ளனர்.
சந்தேக நபரிடமிருந்து ஹெரோயின், ஹேஷ் போதைப்பொருள், 57 கிராம் புகையிலை, 7 கைத்தொலைபேசிகள், ஒரு சிறிய கத்தி, நான்கு லைட்டர்கள், கம் போத்தல் மற்றும் நான்கு சிம் அட்டைகள் உள்ளிட்ட பல்வேறு பொருட்கள் பொலிஸாரினால் கைப்பற்றப்பட்டுள்ளன.
சந்தேகநபர் பதுளை கனுபெலெல்ல போகஹ எல்ல பிரதேசத்தைச் சேர்ந்த 34 வயதுடையவர் என்பதுடன், இது தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.
