அமெரிக்காவின் கலிபோர்னியாவில் பிளசன்டன் பகுதியில் ஸ்டோனிரிட்ஜ் டிரைவ் புட்ஹில் வீதியில் இடம்பெற்ற கார் விபத்தில் இந்தியாவை சேர்ந்த ஒரே குடும்பத்தினர் நால்வர் உயிரிழந்துள்ளனர்.
குறித்த விபத்தானது நேற்று முன்தினம்(26.04.2024) இடம்பெற்றுள்ளது.
இந்தியா- கேரள மாநிலம் திருவனந்தபுரம் பகுதியை சேர்ந்தவர் தருண் ஜார்ஜ், அவரது மனைவி மற்றும் 2 குழந்தைகள் ஆகிய 4 பேரும் சம்பவ இடத்திலேயே பலியாகியுள்ளதாக தெரிவிக்கப்படுகிறது.
இதன்போது கார் முற்றிலுமாக நொறுங்கியிருப்பதால் அதிவேகமாக சென்றதே விபத்துக்கு காரணமாக இருக்கலாம் என்று பொலிஸார் சந்தேகம் வெளியிட்டுள்ளனர்.
அதனடிப்படையில் பிளசன்டன் பொலிஸார் வழக்குப்பதிவு செய்து மேலதிக விசாரணைகளை நடத்தி வருகின்றனர்.
