டொச்ச பான் (Deutsche Bahn) மற்றும் லுஃப்தான்சா (Lufthansa) ஆகிய போக்குவரத்து நிறுவனங்களின் பணிப்புறக்கணிப்பு போராட்டம் காரணமாக செய்வாய்க்கிழமை பயணிகள் புதிய சிரமங்களை எதிர்கொண்டனர்.
யேர்மனியில் தொலைதூர தொடருந்துகளை இயக்கும் டொச்ச பான் 20 விழுக்காடு மட்டுமே இயங்குவதாக கூறியுள்ளது. GDL தொழிற்சங்கத்தின் வேலைநிறுத்தத்தால் பிராந்திய மற்றும் புறநகர் தொடருந்து சேவைகளும் பாதித்தன.
இதற்கிடையில், ஜெர்மனியின் பரபரப்பான விமான நிலையமான பிராங்பேர்ட்டில் லுஃப்தான்சாவின் கேபின் க்ரூ யூனியன் நடத்திய வேலைநிறுத்தம் 600 விமானங்கள் வரை ரத்து செய்யப்பட்டது. இந்த நடவடிக்கை 70,000 பயணிகளை பாதிக்கும் என்று தேசிய விமான நிறுவனம் தெரிவித்துள்ளது.
24 மணி நேர GDL பணிப்புறக்கணிப்பு போராட்டமானது தொடருந்து ஓட்டுநர்கள் மற்றும் பிற தொடருந்து தொழிலாளர்களின் ஊதியம் மற்றும் பணி நேரம் குறைப்பு தொடர்பாக டொச்ச பானுடன் பல பேச்சுவார்த்தைகளில் சமரசம் ஏற்படாமல் போனதையடுத்து இப்போராட்டமானது ஆறாவது முறையாகத் தொடர்கிறது.
ஊதியக் குறைப்பு இல்லாமல் வேலை நேரத்தை வாரத்திற்கு 38 மணியிலிருந்து 35 மணிநேரமாகக் குறைக்க வேண்டும் என்ற GDL இன் கோரிக்கையாகும். இரு தரப்பினருக்கும் இடையே பல வார பேச்சுவார்த்தைகளின் போது, 2028 ஆம் ஆண்டிற்குள் பணி நேரத்தை 38 இல் இருந்து 36 ஆக குறைக்க மதிப்பீட்டாளர்கள் பரிந்துரைத்தனர். ஆனால் GDL முன்மொழிவின் திருப்தி அடையவில்லை.
லுஃப்தான்சா மற்றும் அதன் துணை நிறுவனமான லுஃப்தான்சா சிட்டிலைனில் விமானப் பணிப்பெண்கள் இன்ற செவ்வாய்கிழமை நடத்திய பணிப்புறக்கணிப்பு போராட்டத்தில் ஈடுபட்டனர்.
சுதந்திர விமான உதவியாளர்கள் அமைப்பு (UFO) தொழிற்சங்கம், தங்கள் உறுப்பினர்களின் வேலைநிறுத்தம் செவ்வாய்கிழமை பிராங்பேர்ட் விமான நிலையத்திலிருந்து புறப்படுவதையும், புதன் அன்று முனிச்சில் இருந்து வெளிவரும் விமானங்களையும் பாதிக்கும் என்று கூறியது.
இரண்டு நாட்களில் மொத்தம் 1,000 விமானங்கள் இரத்து செய்யப்படும் என பார்க்கப்படுகிறது. UFO 18 மாதங்களுக்குப் பின்னர் புதிய பேச்சுவார்த்தைகளுடன் 15% ஊதிய உயர்வுக்கு அழைப்பு விடுத்துள்ளது.
கடந்த வாரம், மற்றொரு தொழிற்சங்கமான வெர்டியால் ஏற்பாடு செய்யப்பட்ட தரை ஊழியர்களின் வேலைநிறுத்தம், லுஃப்தான்சாவின் பெரும்பாலான பயணிகள் போக்குவரத்தை முடக்கியது.
