ஊடகவியலாளர்களுக்கான ‘அஸிதிஸி வெகுசன ஊடக புலமைபரிசில் – 2023’ விண்ணப்பம் கோரல் ஆரம்பிக்கப்பட்டுள்ளது. விண்ணப்பதாரிகள் 2023.10.11 ஆம் திகதி வரை வெகுசன ஊடக அமைச்சுக்கு விண்ணப்பங்களை அனுப்பி வைக்கலாம் என வெகுசன ஊடக அமைச்சு அறிவித்துள்ளது.
ஏற்றுக்கொள்ளப்பட்ட இலத்திரனியல் மற்றும் அச்சு ஊடக நிறுவனங்களில் மூன்று வருடசேவைக் காலத்தை பூர்த்தி செய்துள்ள முழு நேர அல்லது பகுதி நேர அடிப்படையில் சேவையில் ஈடுபட்டுள்ள 18-55 வயதுக்குட்பட்ட ஊடகவியலாளர்கள், சுதந்திர ஊடகவியலாளர்கள், பிரதேச ஊடகவியலாளர்கள், வெப் ஊடகவியலாளர்கள் மற்றும் ஊடக தொழில்நுட்ப கலைஞர்கள் இந்த புலமைப் பரிசிலுக்காக விண்ணப்பிக்க முடியும்.
அத்துடன் விண்ணப்பிக்கின்ற பாடநெறி ஊடகத்துறையுடன் நேரடியாக தொடர்புப்பட்டிருக்க வேண்டும். விண்ணப்பதாரி அரசாங்க தகவல் திணைக்களத்தினால் 2023 ஆம் ஆண்டுக்கான ஊடகவியலாளர்களுக்காக வழங்கப்பட்டுள்ள ஊடகவியலாளர் அடையாள அட்டை பெற்றிருத்தல் வேண்டும்.
ஊடகவியலாளர் இந்த புலமைப்பரிசில் திட்ட முறைமை மூலம் இரண்டு முறை பயன்பெற்றுக்கொள்வதற்கான வாய்ப்பு வழங்கப்பட்டுள்ளதுடன், முதற் சந்தர்ப்பத்தில் தகைமை பெறும் 5 வருடங்கள் கடந்த பின்னர் முதற் பாடநெறியை வெற்றிகரமாக பூர்த்தி செய்த வெகுசன ஊடகவியலாளர்களுக்கு இரண்டாவது சந்தர்ப்பத்துக்காக விண்ணப்பிக்கலாம்.
இந்த புலமைப் பரிசித் திட்ட முறைமை மூலம் இளமானி மற்றும் முதுமானிப் பாடநெறிகளுக்காக இரண்டு இலட்சம் அல்லது குறுங்கால அல்லது நீண்டகால சான்றிதழ் பாடநெறி, டிப்ளோமா, உயர் டிப்ளோமா பாடநெறிகளுக்காக ஒரு இலட்சம் ரூபா அதிகபட்சமாக இந்தப் புலமைப்பரிசில் நிதி வழங்கப்படும். புலமைப் பரிசிலுக்காக தகைமை பெறுகின்ற ஊடகவியலாளர்களுக்கு பாடநெறிகளுக்கான கட்டணத்தில் 50 சதவீதத்தை பாடநெறியின் ஆரம்பத்தில் முதற் தவணையாகவும், மிகுதி 50 சதவீதத்தில் 25 சதவீதத்தை பாடநெறியின் இரண்டாவது தவணையிலும் மிகுமி 25 சதவீதத்தை பாடநெறியினை பூர்த்தி சென்று சான்றிதழை சமர்ப்பித்தவுடன் வழங்கப்படும்.
இந்த புலமைப்பரிசிலுக்கான விண்ணப்பங்கள் 2023.10.11 ஆம் திகதி அல்லது அதற்கு முன்னர் ‘பணிப்பாளர் (ஊடகம்), வெகுசன ஊடக அமைச்சு,இலக்கம் 163 ‘அஸிதிஸி’ மெந்துர,கிருலப்பனை மாவத்தை,பொல்ஹேன்கொடை,கொழும்பு -05′ என்ற முகவரிக்கு பதிவுத் தபாலில் அனுப்பி வைக்க வேண்டும்.
‘அஸிதிஸி வெகுசன ஊடக புலமைப் பரிசில் நிகழ்ச்சித் திட்டம் -2023’ தொடர்பான மேலதிக தகவல்களை பெற்றுக்கொள்ள 011-2513645,011-2514632 என்ற தொலைபேசி இலக்கத்துக்கு அழைத்துப் பெற்றுக்கொள்ளலாம். அத்துடன் மாதிரி விண்ணப்ப படிவத்தை வெகுசன ஊடக அமைச்சின் www.media.gov.lk என்ற இணையத்தளத்தில் பெற்றுக்கொள்ளலாம்.
