கிழக்கு மாகாணத்தில் இந்த வருடத்தின் இது வரையான காலப்பகுதிக்குள் 3 ஆயிரத்து 605 பேர் டெங்கு நோயினால் பாதிக்கப்பட்டுள்ளதுடன், 15 பேர் உயிரிழந்துள்ளதாகவும் தெரிவிக்கப்பட்டுள்ளது.கிழக்கு மாகாண பிரதம செயலாளர் அலுவலகத்தில் நேற்றுமாலை இடம்பெற்ற ஊடக சந்திப்பில் உரையாற்றிய கிழக்கு மாகாண சுகாதார பணிப்பாளர் கே.முருகானந்தம் இதனை தெரிவித்துள்ளார்.
இவற்றுள் திருகோணமலை மாவட்டத்தில் மொத்தமாக 2 ஆயிரத்து 88 பேர் பாதிக்கப்பட்டுள்ளதாகவும், கிண்ணியா சுகாதார வைத்திய அதிகாரி அலுவலகத்திற்குற்பட்ட பிரிவில் 911 பேர் பாதிக்கப்பட்டுள்ளதாகவும் 09 பேர் உயிரிழந்துள்ளதாகவும்.
குறிஞ்சாக்கேணியில் 109 பேர் பாதிக்கப்பட்டுள்ளதாகவும் 3 பேர் உயிரிழந்துள்ளதாகவும், குச்சவெளி சுகாதார வைத்திய அதிகாரி அலுவலக பிரிவில் 5 பேர் பாதிக்கப்பட்டுள்ளதாகவும், ஒருவர் உயிரிழந்துள்ளதாகவும் மாகாண பணிப்பாளர் தெரிவித்துள்ளார்.
இதேவேளை, மூதூரில் 418 பேரும், திருகோணமலையில் 379 பேரும், உப்புவெளியில் 266 பேரும், பாதிக்கப்பட்டுள்ளனர்.
மட்டக்களப்பு மாவட்டத்தில் டொங்கு நோயினால் இரண்டு பேர் உயிரிழந்துள்ளதாகவும் அவர் தெரிவித்துள்ளார்.
