வவுனியா வேப்பங்குளம் 6ம் ஒழுங்கையினை அண்மித்த பகுதியில் நேற்று (06.01.2023) மோட்டார் சைக்கிளுடன் நகரசபை வாகனம் மோதுண்டு விபத்துக்குள்ளானதில் ஒருவர் காயமடைந்து வைத்தியசாலையில் அனுமதிக்கப்பட்டுள்ளார்.
மன்னார் வீதியுடாக வவுனியா நகர் நோக்கி பயணித்துக்கொண்டிருந்த மோட்டார் சைக்கில் வீதியின் மறுபக்கம் மாற முற்பட்ட சமயத்தில் அதே பாதையில் பயணித்த நகரசபை வாகனம் மோட்டார் சைக்கிலின் பின்பகுதியில் மோதுண்டு விபத்துக்குள்ளானது.
இந்த விபத்தில் மோட்டார் சைக்கிலில் பயணித்த பெண்ணொருவர் காயமடைந்த நிலையில் வைத்தியசாலையில் அனுமதிக்கப்பட்டுள்ளார்.
சம்பவ இடத்திற்கு வருகை தந்த நெளுக்குளம் பொலிஸார் விபத்து தொடர்பான மேலதிக விசாரணைகளை முன்னெடுத்து வருகின்றனர்.
