வெள்ளவத்தையில் கட்டடத்திலிருந்து வீழ்ந்து ஒருவர் பலி

வெள்ளவத்தை பிரதேசத்தில் கட்டடம் ஒன்றின் 3ம் மாடியிலிருந்து தவறிவீழ்ந்து நபரொருவர் உயிரிழந்துள்ளார்.

வெள்ளவத்தை பொலிஸ்பிரிவுக்குட்பட்ட பகுதியில் நிர்மாணிக்கபட்டு வரும் கட்டடம் ஒன்றிலேயே இச்சம்பவம் இடம்பெற்றுள்ளதாக பொலிஸ் ஊடகப்பிரிவு தெரிவித்துள்ளது.

குறித்த கட்டடத்தில் தொழில்புரியும் வெள்ளவத்தை பகுதியைச் சேர்ந்த 47 வயதான ஒருவரே இவ்வாறு உயிரிழந்துள்ளதாக தெரிவிக்கப்படுகிறது.

பொலிஸார் மேலதிக விசாரணைகளை முன்னெடுத்து வருவதாக பொலிஸ் ஊடகப்பிரிவு மேலும் தெரிவித்துள்ளது.