பொங்கல் தொகுப்பு பெறுவதற்கு விரல் ரேகை பதிவு கட்டாயம் இல்லை- அமைச்சர் சக்கரபாணி

இந்த தொகுப்பு வரும் ஜனவரி 3-ந்தேதி முதல் அனைத்து நியாய விலைக்கடைகளிலும் வழங்கப்படும்.

பொங்கல் பரிசு தொகுப்பை கூட்ட நெரிசல் இல்லாமல் பொதுமக்கள் பெற வழிகாட்டு நெறிமுறைகள் வெளியிடப்பட்டுள்ளன. இது தொடர்பாக உணவுத்துறை அமைச்சர் அர.சக்கரபாணி நிருபர்களிடம் கூறியதாவது:-

பொங்கல் பரிசு தொகுப்பு பெறுவதற்கு விரல்ரேகை பதிவு கட்டாயம் இல்லை. குடும்ப அட்டையில் உள்ள யார் வேண்டுமானாலும் வந்து வாங்கிக் கொள்ளலாம். ஆனால், மற்ற பொருட்கள் வாங்க விரல்ரேகை பதிவு கட்டாயம்.

பொங்கல் தொகுப்பு பொருட்கள் அனைத்தும் ஜனவரி 2-ந்தேதிக்குள் அந்தந்த கடைகளுக்கு வழங்கப்பட வேண்டும் என்று வினியோகஸ்தர்களுக்கு அறிவுறுத்தப்பட்டுள்ளது.

டோக்கன் கொடுப்பது குறித்தும் முடிவு எடுக்கப்படும். நாங்கள் தற்போது பொங்கல் தொகுப்பு கொடுக்கிறோம். ஆனால் பணம் கொடுப்பது குறித்து முதல்வர் முடிவு எடுப்பார்.

இவ்வாறு அவர் கூறினார்.