இறந்தவர்கள் எந்த அளவுக்கு அதிகாரங்களின் மனசாட்சியைத் தொந்தரவு செய்கிறார்கள் என்பதையே தற்போதைய பொலிஸாரின் செயல் காட்டுகிறது என நாடாளுமன்ற உறுப்பினர் நீதிபதி சி.வி.விக்னேஸ்வரன் தெரிவித்துள்ளார். மேலும் பொலிஸாரினால் மேற்கொள்ளப்படும் இத்தகைய ஆத்திரமூட்டும் செயல்கள், மக்களுக்கு பயத்தை ஏற்படுத்தும் என்று அரசாங்கம் நினைத்தால் அவர்களே ஏமாற்றப்படுவார்கள்.அதாவது இவ்வாறான செயற்பாடுகள் இந்த நாட்டில் அரசியல் சுயநிர்ணயத்திற்காக போராடுவதற்கு மக்களை மேலும் உறுதியளிக்கும் என மேலும் தெரிவித்துள்ளார்.
இதேவேளை இறந்த வீரர்களை நினைவுகூறுவதற்கு மக்களுக்கு எதிராக தடை உத்தரவு பிறப்பிக்கும் முன் நீதிமன்றங்கள் மிகவும் கவனத்துடன் இருக்கும் என்று நம்புகிறேன்.கொரோனா கட்டுப்பாடுகள் பின்பற்றப்பட வேண்டும். ஆனால் மக்களின் அடிப்படை உரிமைகள் மதிக்கப்பட வேண்டும்.செல்வராசா கஜேந்திரனை, பொலிஸார் இழுத்துச் சென்று பொலிஸ் வாகனத்தில் அழைத்துச் செல்லும் காணொளி காட்சியை நானும் பார்த்தேன்.
இறந்தவர்களை நினைவுகூரும் விழாவில் அவர் பங்கேற்றதாக கூறப்படுகிறது. அதாவது ஒரு நாடாளுமன்ற உறுப்பினர் ஒரு பொதுவான குற்றவாளியைப் போல பொலிஸாரினால் இழுத்துச் செல்லப்படுவது ஏற்றுக்கொள்ள முடியாத ஒன்றாகும்.
மேலும், எனக்குத் தெரிந்தவரை நாம் இறந்தவர்களை நினைவில் கொள்ள முடியாது என்று எந்த சட்டமும் இல்லை.இதேவேளை பொலிஸாரின் இந்தச் செயல், இறந்தவர்கள் எந்த அளவுக்கு அதிகாரங்களின் மனசாட்சியைத் தொந்தரவு செய்கிறார்கள் என்பதைக் காட்டுகிறது.
இறந்த ஆவிகளால் தொந்தரவு இல்லாமல் அமைதியாக தூங்குவது அவர்களுக்கு கடினமாக இருக்கலாம். எல்லாவற்றிற்கும் மேலாக திலீபன் அமைதியான சத்தியாகிரியாக இருந்தார். அவர் உன்னத காரணங்களுக்காக சாகும்வரை உண்ணாவிரதம் இருந்தார். உன்னத காரணங்களுக்காக இறந்த ஒரு அமைதியான எதிர்ப்பாளரை மக்கள் நினைவு கூர்வது பற்றி அரசாங்கம் ஏன் கலங்குகிறது? என அவர் வெளியிட்டுள்ள ஊடக அறிக்கையிலேயே இவ்வாறு குறிப்பிட்டுள்ளார்.
