பொள்ளாச்சி பாலியல் வழக்கு- சிபிஐ விசாரணைக்கு மாற்ற தமிழக அரசுக்கு கவர்னர் அனுமதி!

15 0

பொள்ளாச்சி பாலியல் வழக்கை சிபிஐ விசாரணைக்கு மாற்ற தமிழக அரசுக்கு கவர்னர் பன்வாரிலால் புரோகித் ஒப்புதல் வழங்கி இருப்பதாக தகவல் வெளியாகி உள்ளது. 

பொள்ளாச்சியில் இளம்பெண்களை மிரட்டி ஆபாச வீடியோ எடுத்த வழக்கு தொடர்பாக உள்ளூர் போலீசார் விசாரணை நடத்தி வந்தனர்.

இந்த வழக்கு விசாரணையில் நியாயம் கிடைக்காது என்று அப்பகுதி மக்களும், அரசியல் கட்சியினரும் கோரிக்கை விடுத்தனர். இதனை தொடர்ந்து வழக்கு விசாரணை சி.பி.சி.ஐ.டி.க்கு மாற்றப்பட்டது.

இதையடுத்து ஐ.ஜி. ஸ்ரீதர், பெண் போலீஸ் சூப்பிரண்டு நிஷா ஆகியோரது தலைமையிலான போலீசார் நேற்று பொள்ளாச்சிக்கு சென்று அதிரடி விசாரணை மேற்கொண்டனர். பாலியல் சம்பவம் நடைபெற்றதாக புகார் கூறப்பட்டுள்ள வீட்டுக்கு சென்றும் விசாரணை நடத்தினர்.

இந்த வழக்கில் கைதாகி குண்டர் சட்டத்தில் சிறையில் அடைக்கப்பட்டுள்ள திருநாவுக்கரசு உள்பட 4 பேரை காவலில் எடுக்கவும் சி.பி.சி.ஐ.டி. அதிகாரிகள் முடிவு செய்துள்ளனர்.

இந்த வழக்கு விசாரணையை சி.பி.ஐ.க்கு மாற்ற வேண்டும் என்கிற கோரிக்கையும் எழுந்தது. இதற்கு தமிழக அரசும் சம்மதித்து சி.பி.ஐ. விசாரணைக்கு பரிந்துரை செய்தது. இதற்கு கவர்னர் பன்வாரிலால் புரோகித் ஒப்புதல் வழங்கி இருப்பதாகவும் தகவல் வெளியாகி உள்ளது.

பாலியல் வழக்கு சி.பி.ஐ.க்கு மாற்றப்பட்டால் வழக்கு ஆவணங்களை சி.பி.ஐ. அதிகாரிகளிடம் ஒப்படைப்பதற்கு தயாராக இருப்பதாக சி.பி.சி.ஐ.டி. ஐ.ஜி. ஸ்ரீதர் தெரிவித்திருப்பதும் குறிப்பிடத்தக்கது.

Related Post

பாகிஸ்தான் ராணுவம் மீண்டும் அத்துமீறல்: காஷ்மீரில் துப்பாக்கிச்சூடு

Posted by - October 16, 2016 0
பாகிஸ்தான் ராணுவம் போர் நிறுத்த ஒப்பந்தத்தை மீறும் வகையில் அடிக்கடி காஷ்மீரில் இந்திய எல்லையில் தாக்குகுதல் நடத்தி வருகிறது. சமீபத்தில் தீவிரவாதிகள் முகாம்களை இந்திய ராணுவம் அழித்து…

பாகிஸ்தானில் இருந்து சிமெண்ட் இறக்குமதிக்கு தடை விதிக்க வேண்டும்: வாசன்

Posted by - November 6, 2016 0
பாகிஸ்தானில் இருந்து சிமெண்ட் இறக்குமதிக்கு தடை விதிக்க வேண்டும் என்று ஜி.கே.வாசன் வெளியிட்டுள்ள அறிக்கையில் தெரிவித்துள்ளார்.

ஜெயலலிதாவின் சிகிச்சை குறித்து ஆய்வு

Posted by - December 4, 2016 0
முதல்-அமைச்சர் ஜெயலலிதாவுக்கு அளிக்கப்படும் சிகிச்சை குறித்து ஆய்வு செய்ய டெல்லி எய்ம்ஸ் டாக்டர்கள் குழுவினர் மீண்டும் அப்பல்லோ மருத்துவமனைக்கு வந்தனர். ஜெயலலிதாவுக்கு பிசியோதெரபி சிகிச்சையும் தொடர்கிறது.

டெங்கு காய்ச்சலுக்கு என்ன மருந்து?: குடும்ப நலத்துறை செயலாளர் தகவல்

Posted by - October 3, 2017 0
டெங்கு காய்ச்சலுக்கு என்ன மருந்து உட்கொள்ள வேண்டும் என்று தமிழக மக்கள் நல்வாழ்வு மற்றும் குடும்ப நலத்துறை முதன்மைச் செயலாளர் டாக்டர் ஜெ.ராதாகிருஷ்ணன் கூறினார்.

ஜெயலலிதா தேசிய கொடியை ஏற்றினார்-70-வது சுதந்திர தின விழா

Posted by - August 15, 2016 0
இந்தியாவின் 70-வது சுதந்திர தின விழாவையொட்டி சென்னையில் உள்ள செயின்ட் ஜார்ஜ் கோட்டையில் தேசிய கொடியை ஏற்றிவைத்த தமிழ்நாடு முதல்-அமைச்சர் ஜெயலலிதா சுதந்திர தின விழா பேருரையாற்றினார்.