புங்குடுதீவு மாணவி சிவலோகநாதன் வித்தியா படுகொலை வழக்கில் முதலாவது சந்தேகநபராக குற்றம்சாட்டப்பட்டு ட்ரயல் அட்பார் நீதிமன்றால் விடுவிக்கப்பட்ட பின்னர் பொலிஸார் ஒருவரை அச்சுறுத்திய வழக்கில் தொடர்ந்தும் விளக்கமறியலில் வைக்கப்பட்டுள்ள பூபாலசிங்கம் இந்திரகுமாரது விளக்கமறியல் எதிர்வரும் 21ஆம் திகதி வரை மேலும் நீடிக்கப்பட்டுள்ளது.
குறித்த வழக்கானது நேற்று ஊர்காவற்றுறை நீதிவான் நீதிமன்றில் நீதிவான் ஏ.எம்.எம்.றியால் முன்னிலையில் விசாரணைக்கு எடுத்துக்கொள்ளப்பட்ட போது இவ் வழக்கு தொடர்பாக சட்டமா அதிபர் திணைக்களத்தில் இருந்து தெளிவான அறிக்கை கிடைக்கவில்லை என பொலிஸார் மன்றுக்கு தெரிவித்தனர். இதனையடுத்தே நீதிவான் மேற்படி விளக்கமறியல் உத்தரவை பிறப்பித்தார்.
குறித்த நபர், மாணவி வித்தியாவின் படுகொலை வழக்கு விசாரணை ஊர்காவற்றுறை நீதிமன்றில் இடம்பெற்றபோது, ஒருமுறை வழக்கு விசாரணை நிறைவடைந்து செல்கையில் பொலிஸ் உத்தியோகத்தர் ஒருவரது பெயரினை கூறி அவருக்கு அச்சுறுத்தல் விடுத்திருந்ததாக குற்றஞ்சாட்டப்பட்டது.
இதனையடுத்து குறித்த நபருக்கு எதிராக சாட்சிகளை அச்சுறுத்திய குற்றச்சாட்டில் பிறிதொரு வழக்கு ஊர்காவற்றுறை நீதிமன்றில் தாக்கல் செய்யப்பட்டது. இந்நிலையில் குறித்த நபர் வித்தியா கொலை வழக்கில் நிரபராதியாக விடுதலை செய்யப்பட்ட போதும் பொலிஸாரை அச்சுறுத்திய வழக்கிலேயே தொடர்ந்தும் விளக்கமறியலில் வைக்கப்பட்டுள்ளமை குறிப்பிடத்த க்கது.
