கடற்படையின் ஆக்கிரமிப்பில் இருக்கும் காணிகள் நில அளவீடு

1 0

கடற்படையினரால் ஆக்கிரமிக்கப்பட்டிருக்கும் மன்னார், பள்ளிமுனை மீனவ குடும்பங்களின் காணியை விடுவிப்பதற்காக நிள அளவை செய்யப்பட்டன.மன்னார் பள்ளிமுனை மீனவ குடும்பங்களின் காணிகளையும் வீடுகளையும் கடற்படையினர் ஆக்கிரமித்து வைத்திருப்பதால் அவற்றை விடுவிக்குமாறு கோரி பாதிப்படைந்துள்ள பள்ளிமுனை மக்கள் மன்னார் மாவட்ட நீதிமன்றில் தாக்கல் செய்யப்பட்ட வழக்கைத் தொடர்ந்து நீதிமன்ற கட்டளைக்கு அமையவும் இரு பகுதினரின் சம்மதத்துடன் அக் காணிகளை அளக்கும் நடவடிக்கையில் மன்னார் பிரதேச செயலகம் இன்று வியாழக்கிழமை (07.12.2017) நடவடிக்கையை மேற்கொண்டது.

மன்னார் மாவட்டத்தில் மன்னார் நகரை அண்டிய பள்ளிமுனை பகுதியில் இரண்டரை ஏக்கர் கொண்ட காணியில் பத்தொன்பது  மீனவ குடும்பங்களின் வீடுகளுடன் காணியையும் கடற்படையினர் ஆக்கிரமித்து வைத்திருப்பதாகவும் தாங்கள் எங்கள் பூர்வீக இடத்தில் மீள்குடியேற முடியாது தவிப்பதாகவும் தெரிவித்து காணியை விடுவிக்கக்கோரி பாதிப்படைந்துள்ள மீனவ குடும்பங்கள் மன்னார் மாவட்ட நீத்மன்றில் வழக்கு தாக்கல் செய்யப்பட்டு விசாரணைகள் இடம்பெற்று வருகின்றன.

இவ் வழக்கானது 11.02.2013 ஆம் ஆண்டு முதல் நடைபெற்று வருகின்றன. இவ் வழக்கின்போது கடற்படையினரின் தேவைக்கென அதற்கருகாமையில் இருக்கும் அரச காணியையும் மக்களின் காணியில் ஒரு பகுதியையும் விட்டுக் கொடுக்க தயாராக இருப்பதாகவும் தெரிவிக்கப்பட்டதைத் தொடர்ந்தும்  அதேநேரத்தில் விட்டுக் கொடுக்கப்படும் தனியார் காணிகளுக்கு பாதிப்புக்குள்ளாகியிருப்போருக்கு அவர்களின் இல்லிட வசதிகளுக்கான நடவடிக்கை மேற்கொள்ளப்பட வேண்டும் என்ற நிபந்தனைக்கு அமைவாக கடற்படையினருக்கு ஒரு ஏக்கர் காணி வழங்குவதற்காகவும் கடற்படையினரால் ஆக்கிரமிக்கப்பட்டிருக்கும் வீடுகளையும் காணிகளையும் மீளப்பெறும் நோக்குடன் இக் காணி அளவை இடம்பெற்றது.

இன்று வியாழக்கிழமை (07.12.2017) இடம்பெற்ற இவ் காணி அளவையின்போது மன்னார் பிரதேச செயலாளர் எம்.பரமதாஸ், மக்கள் சார்பில் சட்டத்தரனி சிரேஷ்ட சட்டத்தரணி வீ.எஸ். நிரஞ்சன், பங்குத் தந்தை அருட்பணி ஸ்ரீபன் அடிகளார், கடற்படை அதிகாரிகள் வழக்குத் தொடுத்திருந்த பொதுமக்கள், கிராம அலுவலகர் முன்னிலையில் மன்னார் பிரதேச செயலக நில அளவையாளர் நிக்சன், காணி உத்தியோகத்தர் ஆகியோர்களால் இக் காணிகள் அளவை செய்யப்பட்டது.

இதன் அறிக்கையை அடுத்த தவணையின்போது நீதிமன்றில் சமர்பிக்கப்பட்ட பின்பே இரு சாராரின் கருத்துக்களின் நிலையை அறிந்து இவ் வழக்கு முடிவுக்கு வரும் எனவும் தெரிவிக்கப்பட்டுள்ளது.

Related Post

சக்திவாய்ந்த 18 கைக்குண்டுகள் மீட்பு

Posted by - December 18, 2017 0
மட்டக்களப்பு – வவுணதீவு பொலிஸ் பிரிவில் விசேட அதிரடிப் படையினரால் சக்திவாய்ந்த 18 கைக்குண்டுகள் மீட்கப்பட்டுள்ளதாக களுவாஞ்சிகுடி அதிரடிப்படை முகாம் கட்டளை அதிகாரி ஐ.பி. ஜெயகெழும் தெரிவித்தார்.

தெல்லிப்பழை ஆதார வைத்தியசாலையில் உணவுக் கால்வாய்த் தொகுதி சிகிச்சை முறை மற்றும் திறந்த சத்திரசிகிச்சைக்கு மாற்றீடான சிகிச்சை முறை இன்று ஆரம்பம் (காணொளி)

Posted by - December 20, 2016 0
யாழ்ப்பாணம் தெல்லிப்பழை ஆதார வைத்தியசாலையில் உணவுக் கால்வாய்த் தொகுதி சிகிச்சை முறை மற்றும் திறந்த சத்திரசிகிச்சைக்கு மாற்றீடான சிகிச்சை முறை இன்று ஆரம்பித்துள்ளதாக தெல்லிப்பழை ஆதார வைத்தியசாலை…

கோப்பாய் மாவீரர் துயிலுமில்லத்திற்கு முன்பாக சுடர் ஏற்றப்பட்டு அஞ்சலி செலுத்தப்பட்டது (காணொளி)

Posted by - November 27, 2018 0
யாழ்ப்பாணம் கோப்பாய் மாவீரர் துயிலுமில்லத்திற்கு முன்பாக, மாவீரர் தினத்தை முன்னிட்டு, சுடர் ஏற்றப்பட்டு அஞ்சலி செலுத்தப்பட்டுள்ளது. …………..            

சுழிபுரத்தில் தொடர்ந்தும் பதற்றம் -கூடாரம் அமைத்து போராடும் மக்கள்- நாளை கடையடைப்பு!

Posted by - June 28, 2018 0
சுழிபுரத்தில் கொல்லப்பட்ட சிறுமியின் படுகொலைக்கு நீதிகோரி ஆர்ப்பாட்டத்தில் ஈடுபட்டுள்ள கிராம மக்கள் மற்றும் மாணவர்கள் அவ்விடத்திலேயே கூடாரத்தை அமைத்துப் போராட்டத்தை ஆரம்பித்துள்ளனர்.

கிளிநொச்சியில் ஆலயம் உடைக்கப்பட்டு மாதா சொரூபம் திருட்டு

Posted by - October 8, 2018 0
கனகபுரம் அன்னை வேளாங்கண்ணி மாதா ஆலயம் உடைக்கப்பட்டு சிலை திருடப்பட்டுள்ள சம்பவம் கடந்த சனிக்கிழமை குறித்த சம்பவம் இடம்பெற்றுள்ளதாக தேவாலய நிர்வாகத்தினர் தெரிவித்துள்ளனர். கிளிநொச்சி நகரிலிருந்து மிக…

Leave a comment

Your email address will not be published.