Year: 2017

ஏற்றுமதி அபிவிருத்தி நிறுவனங்களுக்கு எதிர்வரும் வருடம் ஏப்ரல் மாதம் தொடக்கம் வரிச் சலுகை பெற்றுக்கொடுக்கப்படும் என பிரதமர் ரணில் விக்ரமசிங்க தெரிவித்துள்ளார். தெனியாய பிரதேசத்தில் இன்று இடம்பெற்ற நிகழ்வொன்றில் கலந்து கொண்ட போது பிரதமர் இதனை குறிப்பிட்டார்.

பொகவந்தலாவை  போனோகோட் தோட்டத்தில் பத்துவயது சிறுமியை தாக்கி துன்புறுத்தலுக்கு உட்படுத்திய சம்பவம் தொடர்பில் கைதான குறித்த சிறுமியின் சிற்றன்னை மற்றும் மைத்துனர் ஆகியோர் விளக்கமறியலில் வைக்கப்பட்டுள்ளனர். கைதானவர்கள் இன்று ஹட்டன் நீதிமன்ற பதில் நீதவான் முன்னிலையில் முன்னிலைப்படுத்தப்பட்டனர். இதன்போது, அவர்களை எதிர்வரும் 7ஆம் திகதி வரையில் விளக்கமறியலில் வைக்க உத்தரவிடப்பட்டுள்ளது. சிறுமியை துன்புறுத்திய குற்றச்சாட்டில் நேற்று அவர்கள் இருவரும் பொகவந்தலாவை காவல்துறையினரால் கைதுசெய்யப்பட்டனர். சிறுமியின் தாய் வெளிநாட்டிலும், சிறுமியின் தந்தை கொழும்பிலும் பணிப்புரிந்து வரும்நிலையில், கடந்த வருடம்

பொது மக்களின் பாதுகாப்புக்காக உள்ள பொலிஸ் படையில் உள்ளவர்கள் சட்டங்களை மீறினால் அதற்கு எதிராக கடுமையான நடவடிக்கை எடுப்பதாக பொலிஸ் மா அதிபர் புஜித ஜயசுந்த தெரிவித்துள்ளார். கண்டியில் இன்று நடைபெற்ற நிகழ்வொன்றில் கலந்துகொண்டு கருத்துத் தெரிவிக்கையில் அவர் இதனைக் கூறியுள்ளார். பொலிஸ் நிலையங்களுக்கு இன்னும் 10 ஆயிரம் பேர் இணைத்துக் கொள்ள வேண்டிய தேவையுள்ளதாகவும் அவர் சுட்டிக்காட்டியுள்ளார்.

இலங்கை மற்றும் மாலைத்தீவு ஆகிய நாடுகளின் அரசியல் நிலைமை குறித்து அமெரிக்க இராஜதந்திரிகள் இந்திய வெளிவிவகாரத்துறை சிரேஷ்ட அதிகாரிகளுடன் கலந்துரையாடியுள்ளனர். கொழும்பில் உள்ள அமெரிக்க தூதுவர் அதுல் கெசாப்பின் தலைமையிலான குழு இந்திய வெளிவிவகார செயலாளர் எஸ்.ஜெயசங்கருடன் பேச்சுவார்த்தையை நடத்தியுள்ளனர். இலங்கைக்கு வழங்க வேண்டிய அபிவிருத்தி மற்றும் ஒத்துழைப்புக்கள் தொடர்பாகவும் இந்த சந்திப்பில் உரையாடப்பட்டதாக குறிப்பிடப்பட்டுள்ளது.

நேர்மையானவர்கள் அரசியலுக்குள் பிரவேசிக்க முடியாத நிலை தற்போது ஏற்பட்டுள்ளதாக முன்னாள் ஜனாதிபதி சந்திரிக்கா பண்டாரநாயக்க குமாரணதுங்க தெரிவித்துள்ளார். வத்தளை பிரதேசத்தில் இன்று இடம்பெற்ற நிகழ்வில் கலந்து கொண்டு உரையாற்றும் போதே அவர் இதனை தெரிவித்தார். நேர்மையானவர்கள் அரசியலுக்குள் பிரவேசிக்கும் போது, நாடு பொருளாதாரம் மற்றும் சிறந்த சமூகம் உள்ளிட்ட விடயங்களில் அபிவிருத்தி அடையும். சில வருடங்களாக நாட்டில் இவ்வாறானதொரு நிலை இருந்திருக்க வில்லை. எனவே தற்போது இவ்வாறானதொரு நிலை தோற்றுவிக்கப்பட்டுள்ளதாகவும் சந்திரிக்கா பண்டாரநாயக்க குமாரணதுங்க குறிப்பிட்டார்.

வவுனியா பேரூந்து தரிப்பிடத்தில் கேரள கஞ்சாவுடன் நபரொருவர் கைது செய்யப்பட்டுள்ளார். இவரிடம் இருந்து ஒரு கிலோ 324 கிராம் கேரள கஞ்சா கைப்பற்றப்பட்டுள்ளதாக காவற்துறை தெரிவித்துள்ளது.