மலையகத்தில் தொடர்ந்து பெய்து வரும் அடை மழையினால் இயல்பு வாழ்க்கை பெரிதும் பாதிப்படைந்துள்ளதாக செய்தியாளர் தெரிவித்துள்ளார்.
இன்று (01) காலை முதல் அதிக மழை பெய்து வருகின்றமையினால் வாகனங்கள் செலுத்துவதில் சாரதிகள் பெரிதும் பாதித்துள்ளனர். ஹட்டன், நுவரெலியா உள்ளிட்ட மலையக நகரங்களிலும் ஸ்தம்பித நிலை ஏற்பட்டுள்ளது.
அத்துடன் மலையகத்தின் மேற்கு பகுதிகளிலும், நீரேந்து பகுதிகளிலும் இன்று பிற்பகல் வரை ஒரு மணித்தியாலம் தொடர் மழை பெய்துள்ளது. அதிக மழையுடன் கடும் காற்றும் சில பகுதிகளில் வீசியதாக தெரிவிக்கப்பட்டுள்ளது.
இதனையடுத்து ஹட்டன் நகர மத்தியில் சிறு வௌ்ளம் ஏற்பட்டுள்ளது.
