கண்டி – மஹையாவ பகுதியில் உள்ள வீடொன்றின் பின்னால் நேற்று மாலை அடையாளம் தெரியாத ஆண் ஒருவரின் சடலம் கண்டுப்பிடிக்கப்பட்டுள்ளது.
உயிரிழந்தவரின் அடையாளம் இன்னும் உறுதிப்படுத்தப்படவில்லை எனவும், அவர் சுமார் 50 வயதுடையவராக இருக்கலாம் எனவும் பொலிஸார் தெரிவித்துள்ளனர்.
அத்துடன், சுமார் 5 அடி 2 அங்குல உயரம் கொண்டவர் எனவும், சாம்பல் மற்றும் வெள்ளை நிற ஆடை அணிந்திருந்தார் எனவும் பொலிஸார் அடையாளப்படுத்தியுள்ளனர்.
சடலம் கண்டி வைத்தியசாலையின், பிரேத அறையில் வைக்கப்பட்டுள்ளதுடன், கண்டி பொலிஸார் மேலதிக விசாரணைகளை மேற்கொண்டு வருகின்றனர்.
